Cêr tuôr xav cxiv tsa Trôngx lôngs Chiềng Khương tâu cxiv puôz đar zuôr luôs 19,32 ha, nhoz hâur jok Chiềng Khương, xã Chiềng Khương. Trơưk đồ án, thax tsav tâu phaiz nhiax chia cxiv puôz trôngx vas đros trâu qơư cxênhz yuôx; qơư đrêk yêz, qơư thâu hax huv; qơư uô si, qơư chos ntông đros trâu têx cêr muk lok.

Txos nhiv no, hồ sơ đồ án tưz tâu Ban Chỉ huy Tuz lênhv Đriv têz tỉnh đros trâu têx đơn vị sâu tsês têx ndâux luk ntơưv Sở Cxiv puôz thiaz UBPX xã Chiềng Khương chia lês tiar cêr tuôr xav. Uô ntêx ntơư, đơn vị tưz xa ntâuz ntơưr khov cov cxênhz yuôx; tuôr xav tâu tso chai lês uô ntêx hnuz 31/8/2026.

Đros trâu côngz xưv tuôr xav, dự án muôz nhiax chia cxiv puôz cêr muk lok ntơưv Trôngx lôngs Chiềng Khương ntu 1 tâu tuôr xav lês hâur ntu 2026-2028, hur si nhiax lês hâux lưv tas yax 135 tỷ đaiv txix li nhiax ntơưv Trung ương. Têx hâux lưv zov chênhr zos luz tsêr tsês hax huv 2 yôngx, 2 luz tsêr cxênhz yuôx, tsêr uô hâux lưv. Nhiv no, Sở Tài chính tưz đros Ban Chỉ huy Tuz lênhv Đriv têz tỉnh zuôr ndâux luk jâus 2 ntơưv têx cơ quan, đơn vị cik txos lok sâuv cêr chai muôz nhiax lês hâux lưv. Têx njiaz luk lok sâuv cxiv puôz trôngx lôngs taz tov tâu lês zênhx max; Ban Chỉ huy Tuz lênhv Đriv têz tỉnh tưz đros UBPX xã Chiềng Khương thôngz iz trôngs luk tsưr ziv thêv nhiax trâu têx paz pơưs, tus khênhx cik txos, bax cxix cxuô zav chia fuô lês cias thâuv tâu tso chai.

Hâur jias uô hâux lưv, têx đại biểu tưz moz siaz saz lax têx njiaz luk đuô li hâur ntu cxênhz yuôx, lês tiar ntâuz ntơưr chia lês hâux lưv; thôngz iz trôngs luk têx tsưr ziv zuôr lês txuôk nzir, tsi njênhk chia cov Dự án Trôngx lôngs Chiềng Khương tâu fuô lês jông.

Câuk luk jias cơưv, đồng chí Chủ tịch UBPX tỉnh cxiz cov têx ngành, đơn vị tror siz khov lês tiar dự án, cxiv tsa cêr tuôr xav cov tâu jông, chia cov cxiv tsa tâu Trôngx lôngs Chiềng Khương yênhx trôngx lôngs ntiax têz, muôx qơư muôs hax huv tâu jông đros têz qơưk Lok Tsuôk. Cêr tuôr xav zuôr tsuv cxaz nzir ntâu zav hâux lưv txix li tiz nênhs muk lok, hax huv muôs muk trâu oz chas têz, txix ntơư muôz nhiax cxiv puôz cov fiv huv, tsik chia tuôr xav nhiax txiax. Đros ntơư, côngz xưv tuôr xav zuôr tsuv đros đraiv hâux lưv huôv tsar nhiax txiax - xã hội thiaz por hưv njias to thax tsav; Têx sở, ngành siz khov đros Ban Chỉ huy Tuz lênhv Đriv têz tỉnh, cơ quan Hải quan, UBPX xã Chiềng Khương tror lês tiar cêr tuôr xav chia dự án nzor tâu fuô lês, cxơưz paz cxiv tsa Trôngx lôngs Chiềng Khương cov tâu jông, fiv huv, sir zôngv tâu jông chia paz max huôv tsar nhiax txiax hâur ntu zuôr txos.