Txos nhiv no, hâux lưv cxiv puôz 13 Yar cơưv Nội trú liên cấp Tiểu học – THCS hâur thax tsav tỉnh phênhv ntâu tưz lês tiar cêr tuôr xav, hâu ntơư iz cxia công trình tưz lês tiar thiaz yax cêr tuôr xav tso tơưv. Lok sâuv hâux lưv muôz nhiax zuôr chuôz zênhx trâu 13 công trình, txos hnuz 15/3, têx đơn vị tưz lês tiar hâux lưv cxiv tsa tsưr ziv zuôr chuôz zênhx trâu yar cơưv. Taz sik, hâux lưv cxiv tsa tus gri tsênhv njiz ntâu cêr phiv liv zos tsik muôx txâuk têx qơư muôs, uô trâu lês tsik tâu hâux lưv cxiv tsa thiaz tso chai muôz nhiax zuôr trơưk li cêr tuôr xav.

Haik txos Đề án cxiv kho đuô qơư lês hâux lưv têx Yar cơưv Nội trú liên cấp Tiểu học – THCS, txos nhiv no tưz muôx 7/13 xã lês tiar hâux lưv cxiv tsa Đề án. Trơưk ntơư, iz yar cơưv zuôr xair zuôr luôs 1.000 lênhx shuv xênhz, đros trâu 30 lớp cơưv, xưz xair têx shuv xênhz hair nênhs tsơưs thiaz têx zis nênhs tâu chai paz ntơưv thax tsav đriv têz. Lok sâuv tiz nênhs xair uô cán bộ saiz car, cưk kria txâuk chai Têz qơưk thiaz phaiz nênhs uô hâux lưv zuôr tsuv fiv huv trâu têx hâux lưv hâur thax tsav xã.

Muôx luk chox car jias cơưv, đồng chí Hà Trung Chiến cxiz cov đơn vị lês hâux lưv thiaz tsưr cxưx nhiax lês hâux lưv lês nuv trơưk đraiv ntâuz ntơưr chos luk, zênhx max lês tiar cxuô zav hâux lưv chia zuôr chuôz zênhx hâur hli 3/2026; kriz đhok chuôz zênhx hâur hli 4 txos trâu hli 6 thiaz zok, muôz lok sir zôngv hâur hli 8/2026, chia cov zênhx max tiar uô ntêx hâu shông cơưv yiaz. Đros ntơư, cxiz cov têx xã zênhx max lês tiar thiaz tso tơưv Đề ám cxiv kho đuô qơư lês hâux lưv ntơưv têx Yar cơưv Nội trú liên cấp Tiểu học – THCS uô ntêx hnuz 18/3; tuôr xav tsưr ziv xair, bổ nhiệm cưk kria, cxiv tsa tsưr ziv phaiz cưk kria uô hâux lưv cov fiv huv thiaz cxiv tsa tsưr ziv lês hâux lưv cov tâu jông tov kaz yar cơưv piz choz kria ntơưr.