Ntu 2015-2025, Tuz lênhv Đriv têz tỉnh tưz fuô lês ntâu luôs hâux lưv paz cxuô qơư, paz cxơưz pêx xênhv thax tsav đriv têz luz nênhx. Tas nro sơưr đơưz siz chos lês jông hâux lưv 26 kror qơư “ntuôk pêx xênhv uô nox”; muôx 10 luôs hâux lưv “Chaixx ntux yiaz đriv têz sor pêx xênhz jêx jok siaz”, 100 luôs hâux lưv zos zênhx lês, tas nro xav yax 43 tỷ nhiax; uô tâu 34 qar tsêr cơưv, 59 luz tsêr thôngx siaz, siz chos kho, uô yiaz tâu 512 luz tsêr trâu pêx xênhv nhoz. Cxuô đơn vị tsênhv siz chos paz nhiax zuôr tâu 1.320 tus nhux nôngz puz trâu pêx xênhv pluôs; uô jông lês trơưr luôs hâux lưv “Paz yik nôngz”, “Vax, pak njêk, guôx tsiax cxu”, “Huz cxur siz chos txuôs”, paz yax 32 tấn cxur trâu têx ziv pêx xênhv txov nhêv... Luôs hâux lưv “Paz shâuv xênhz tâu muk cơưv ntơưr – Tu mê nhuôv puôs Zênhx đriv têz” paz 60-90 tus shâuv xênhz txov nhêv/shông; kriz 33 lớp kria hâur pâuk ntơưr trâu 895 lưv lênhx; njuôk; phaiz yuôx kho moz trâu yax 17.200 lưv lênhx, xav yax 3 tỷ 500 triệu nhiax. 

Siz chos cxiv tsa mênhx nov mênhx tsư cxuô qơư, đơn vị muôx 17 lênhx cán bộ uô Phó Bí thư Đảng ủy têx xã đriv têz; zok hâux lưv trâu yax 500 lưv lênhx đảng viên muk cơưv chi bộ ntơưv têx jok; ntuôk pêx xênhv saiz car 274 caik chiav têz, 126 tus ndêx chiv đriv, tsưx hưv truôx cêr nhaz xênhz têz qơưk.

Hâur 10 shông, muôx 451 lưv paz pơưs, tus khênhx tâu cxuô cấp kruôk lês jông côngz xưv ntuôk pêx xênhv; 6 tus khênhx tâu Trung ương thiaz Bộ Tư lệnh tuz lênhv đriv têz kruôk.

Ntơưv jias uô hâux lưv, Thiếu tướng Nguyễn Đức Mạnh tưz kruôk têx hâux lưv lês tâu, iz chas ntơư cux cxiz tuz lênhv đriv têz tỉnh tror uô jông saz lax, hlôngr yiaz chia paz têx hâux lưv tưz lês, cxuô cêr siz tưr hax zav lês tâu jông đuô; zôngv khoa học kỹ thuật, hlôngr số; tsôngv tuz lênhv nthuôr huôv chux pưv tsiv txiax Zơưv Côngz Hôx hâur ntu nênhx yiaz.

Ndax no, Bộ Tư lệnh Tuz lênhv đriv têz thiaz Chủ tịch UBPX tỉnh tưz puz ntơưr kruôk trâu 20 têx paz pơưs, tus khênhx; Bộ Chỉ huy Tuz lênhv đriv têz tỉnh puz ntơưr kruôk 7 paz pơưs, tus khênhx lês tâu hâux lưv jông; kruôk 9 “tus hluôk uô ntêx nyuôk lês hâux lưv jông”, 3 “tus hluôk muôx jông tsưr ziv” shông 2025.