Côngv cơưv muôx đồng chí Của Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh; thơưx car Ban Tuyên giáo thiaz Dân vận Tỉnh ủy; thơưx car công đoàn iz cxia cơ quan, đơn vị thiaz têx paz pơưs, tus khênhx nto mông.

Nhiv no, Liên đoàn Lao động tỉnh saiz car 186 công đoàn cơ sở, đros trâu jê 13.000 đoàn viên. Ntu 2021-2025, cêr cơưv shâuv thiaz uô trơưk Hloz Hôx tâu têx cấp công đoàn fuô lês ntov, đros đraiv hâux lưv tâu cơưv uô thiaz cêr siz tưr ntơưv cơ sở. 100% cán bộ công đoàn chuyên trách thiaz yax 95% đoàn viên, nênhs uô nuv tâu fuô, kria têx njiaz luk tsênhv chênhz ntơưv Câuk luk số 01-KL/TW.

Têx cêr siz tưr nhiav têz nhiav qơư, lar haik mak cêr siz tưr “Coz uô nuv, txơưx xav nuv uô” tâu fuô lês muk đêz đar, chôngz tus đoàn viên lês. 5 shông đhâu, hur si tỉnh muôx 22 kror xav tơưv tâu Tổng Liên đoàn Lao động Việt Nam puz Ntơưr kruôk uô nuv txơưx fiv; têx cấp công đoàn paz puôz yiaz, kho đuô 97 luz tsêr “Sor siaz Công đoàn” trâu đoàn viên muôx cêr txov nhêv xav nhiax yax 3,7 tiv đaiv. Ntâu nuv tsênhz mênhx li “Tsiaz siz pôngs”, “Ciaz Tsiaz Công đoàn”, “Pluôk mor Công đoàn”, Hli Công nhân... tâu kriz lês muk đêz đar cxuô qơư, siz chos yôngv siaz cêr nox nhoz, chia siaz trâu nênhs uô nuv. Cêr cơưv shâuv thiaz uô trơưk zơưv Hloz Hôx cux paz cxiv tsa qơư uô nuv tsiv txiax, muôx phênhv shuôv hâur têx cơ quan, đơn vị, tsêr luôv. Tas nro tỉnh nhiv no muôx 528 cơ quan, đơn vị, tsêr luôv tâu chai tsiv txiax. 

Fuô luk jâus cơưv, đồng chí Của Xênhv Tsaz cxiz cov, têx cấp công đoàn tror fuô, lês muôx liv cêr sir jos cơưv shâuv thiaz uô trơưk siaz xav, hâux lưv, chux pưv Hồ Chí Minh; xav ntơưv no zos hâux lưv tsênhv chênhz, tsik tu chia cxiv kho têx paz công nhân, viên chức, nênhs uô nuv muôx pênhr xưv chính trị truôx njês, chox chai ntov thiaz muôx chux pưv jông fiv. Tror sir jos lês têx cêr siz tưr uô nuv coz, uô nuv txơưx fiv; tu saiz, por hưv vax huôv thiaz cêr muôx liv trơưk chai ntơưv nênhs uô nuv txix têx nuv uô mênhx pêv, tsênhz mênhx; zênhx max yuôx, tu cêr khov, tok tsênhz mênhx ntơưv đoàn viên. Cxiv kho thiaz lês muk đêz đar têx qơư yiaz, têx nto côngz mông hâur uô nuv, uô kôngz; huôv nzir qơư sơưr sox saiz, ruôr râuk ndâux luk xã hội ntơưv têx cấp công đoàn, siz chos cxiv kho đảng thiaz ndêx ntus chính trị đơưz hur, truôx njês txix cơ sở.

Ndax jâus no, Liên đoàn Lao động tỉnh tưz puz Ntơưr kruôk trâu 15 paz pơưs thiaz 30 tus khênhx nto mông jông hâur cêr cơưv shâuv thiaz uô trơưk siaz xav, hâux lưv, chux pưv Hồ Chí Minh ntu  2021-2025.

Uô ntêx ntơư, têx đại biểu tưz tso pax, hlơưr shaz ntơưv Mnov “Hloz Hôx thiaz pêx xênhv cxuô zav nênhs kâuv têz Hnuz Pôngz” thiaz Thax txi Hloz Hôx ntơưv Yar tiax lox Tây Bắc./.