Côngv jias uô tiar yar cơưv muôx têx đồng chí: Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh; Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh; têx đồng chí hâur Ban Thường vụ Tỉnh ủy; Thường trực HĐPX, UBPX tỉnh; thơưx car têx sở, ngành; xã Lóng Phiêng, cưk kria, shuv xênhz thiaz chôngz lênhx pêx xênhv xã Lóng Phiêng; thơưx car têx xã đriv têz.

Dự án Yar cơưv phổ thông nội trú liên cấp Tiểu học thiaz THCS xã Lóng Phiêng hur si uô tas yax 254 tỷ đaiv, đar yax 4,8 ha, muôx: 12 luz tsêr cơưv, tsêr uô hâux lưv, tsêr nox, nhoz, tsêr uô si thiaz têx hâux lưv txơưr. Shông cơưv yiaz 2026-2027, Yar cơưv phổ thông nội trú Tiểu học thiaz THCS Lóng Phiêng muôx 1.050 lênhx shuv xênhz cơưv txix khối 3 txos khối 9, phênhv ntâu zos shuv xênhz hair nênhs tsơưs. Txix li kror moz siaz sir jos lês cêr siz tưr "100 hnuz hmo lês hâux lưv", tsuôk yax 9 luz hli yar cơưv tưz uô tiar, bax cxix cxuô zav chia têxs huv xênhz cơưv hâur shông cơưv yiaz 2026-2027.

Hâur hnuz 21 thiaz 22/8, yar cơưv tưz kriz zôngv siv jias tiv iz, chia cxênhz yuôx têx hâux lưv hâur yar cơưv. Hnuz xiaz 3 thiaz xiaz 4/9, yar cơưv zuôr kriz cxênhz, sir zôngv jias tiv oz, bax cxix cxuô zav chia tok têx shuv xênhz tuôx cơưv ntơưr.

Muôx luk hâur jias no, hlôngr njêx muôs thơưx car tỉnh, đồng chí Lò Minh Hùng tưz kruôk txos kror moz siaz sir jos lês hâux lưv muôx phênhv shuôv ntơưv têx sở, ban, ngành tỉnh, ntơưv Đảng ủy HĐPX, UBPX, MTTQ thiaz pêx xênhv xã Lóng Phiêng; kror sir jos ntơưv tsưr cxưx nhiax, đơn vị fuô kria thiaz yax hlo zos hur si têx cán bộ, kỹ sự, nênhs uô hâux lưv tưz hla đhâu cxuô tsar cêr phiv liv chia uô tiar yar cơưv trơưk đraiv cêr tuôr xav tso tơưv.

Đồng chí Phó Bí thư Thường trực Tỉnh ủy cxiz cov cxuô cấp, cxuô ngành, thax tsav thiaz yar cơưv kriz sir zôngv siv, cxênhz yuôx cxix cxuô têx hâux lưv hâur ntu cơưv shâuv, saiz car shuv xênhz, kriz uô mor nox, por hưv cêr nhaz xênhz hâur yar cơưv. Sở Choz kria ntơưr siz khov đros trâu UBPX xã tror cxênhz, bax cxix cxuô cán bộ saiz car, cưk kria, nênhs uô hâux lưv, yax hlo zos têx môn tsik tâu muôx txâuk cưk kria. Yar cơưv zuôr tsuv lês cov tiar têx cêr chai, tsưr ziv lês nuv, por hưv đas jos thiaz tu têx hâux lưv phiv liv muôx yưv. Moz siaz siz khov txix li yar cơưv, shuv xênhz têx niav txir thiaz têx lực lượng hâur thax tsav chia paz yar cơưv saiz car shuv xênhz nhoz nội trú.

Ndax jias no, UBPX tỉnh tưz muôz Ntơưr kruôk trâu 2 paz pơưs thiaz 4 tus khênhx lês tâu jông hâux lưv hâur ntu cxiv puôz Yar cơưv phổ thông nội trú Tiểu học thiaz THCS ntơưv têx xã đriv têz tỉnh Sơn La.

Hâur luôs hâux lưv, Yar cơưv phổ thông nội trú Tiểu học thiaz THCS Lóng Phiêng thiaz Zênhx Đriv têz Chiềng Tương tưz chos luk Cêr chai siz khov tu, cxơưz paz têx shuv xênhz; cxiv tsa yar cơưv nhaz xênhz; kriz têx hâux lưv choz kria por hưv têz qơưk, por hưv đriv têz, fuô kria têx đuôz tuz lênhv zơưv Côngz Hôx, paz trâu têx shuv xênhz lês hâux lưv muôx phênhv shuôv đuô.