Côngv jias kriz muôx têx đồng chí: Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh, Thơưx Ban tổ chức jias tưr; Đinh Thị Bích Thảo, Ủy viên Ban Thường vụ Tỉnh ủy, Thơưx ban Tuyên giáo thiaz Dân vận Tỉnh ủy, Lưv Thơưx ban Thường trực Ban tổ chức jias tưr; thơưx car têx sở, ban, ngành; têx ban Đảng Tỉnh ủy; têx đồng chí báo cáo viên Trung ương ntơưv tỉnh; báo cáo viên Tỉnh ủy; hlôngr njêx muôs Ban Cxiv tsa Đảng têx đảng ủy muôx nênhs tưr suôx câuv thiaz 20 lênhx nênhs tưr nhoz hâur têx đảng ủy zos Tỉnh ủy saiz car.

Muôx luk hâur jias tưr, đồng chí Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh, Thơưx Ban Tổ chức jias tưr, haik mênhx: Hâux lưv fuô kria, lês mênhx pêv Nghị quyết Đại hội 14  ntơưv Đảng thiaz nghị quyết đại hội đảng bộ cxuô cấp ntu 2025 - 2030 zos hâux lưv chính trị, cxơưz paz muôz têx nghị quyết nzor lok cxiv tsa luz nênhx. Jias tưr zos jâus cxênhz têx báo cáo viên, nênhs fuô luk pênhr xưv; đros ntơư paz trâu sơưr đơưk tâu siz njiz, siz chos cơưv shâuv tsưr ziv fuô kria fiv huv. Đồng chí cxiz cov Ban Giám khảo lês hâux lưv cov jông, ndax ndênhk; têx nênhs côngv tưr nthuôr huôv jông phênhv shuôv, pênhr xưv, sir zôngv têx zav cơưv tâu chia tưr cov tâu jông, paz trâu jias tưr cov yênhx côngz.

Cias tov kaz kriz, 20 lênhx tưz tưr têx phênhv tưr. Têx nênhs no tưz tưr đhâu phênhv kria trâu sơưr đơưk pâuz têx zav tưz bax tâu hâur six hơưv 20 phút thiaz têz lo luk nus hâur 5 phút. Têx nênhs tưr tưz kria pâuz têx chuyên đề zov chênhr, zav hâux lưv yiaz hâur Nghị quyết Đại hội 14 ntơưv Đảng thiaz nghị quyết đại hội đảng bộ cxuô cấp ntu 2025 - 2030, đros trâu fiv huv têx hâux lưv ntơưv thax tsav, đơn vị; đros ntơư nthuôr tâu zuk pênhr xưv fuô kria thiaz tu têx hâux lưv muôx yưv.

Jias tưr báo cáo viên, fuô lul coz tỉnh Sơn La tâu kriz hâur 2 hnuz, txix hnuz xiaz 7 - 8/7. Cxênhx cxênhv suôx câuv, puz giải kriz thâuv 4 six hnuz xiaz 8/7.