Côngv jias tưr suôx câuv muôx têx đồng chí: Hoàng Văn Nghiệm, Ủy viên Ban Chấp hành Trung ương Đảng, Bí thư Tỉnh ủy, Thơưx Paz đại biểu Quốc hội tỉnh; Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh, Thơưx Ban kriz jias tưr; cxuô đồng chí Ủy viên Ban Thường vụ Tỉnh ủy; thơưx car têx sở, ban, ngành ntơưv tỉnh...

Lês trơưk cêr tuôr xav ntơưv Ban Tuyên giáo thiaz Dân vận Trung ương lol sâuv kriz Jias tưr báo cáo viên, fuô lul coz hur si têz qơưk shông 2026, tỉnh pêz tưz Kriz jias tưr txix li cấp cơ sở. Tas nro muôx 69/79 đảng ủy zos Tỉnh ủy saiz car kriz Jias tưr báo cáo viên, fuô lul coz shông 2026, đros trâu 810 lênhx nênhs tưr. Ban kriz jias tưr cấp cơ sở ntơưv têx đảng ủy tưz muôz puz 61 giải iz, 83 giải oz, 132 giải pêz, 250 giải cxơưz jos thiaz 56 giải chuyên đề. Muôx 76/79 đảng ủy zos Tỉnh ủy saiz car xair tsov, tso 78 lênhx côngv trâu jâus tưr sơ khảo cấp tỉnh.

Jias tưr cấp tỉnh, ntơưv jias tưr sơ khảo, Ban tổ chức tso điểm trâu 78 đề cương thiaz video phênhv tưr ntơưv têx nênhs tuôx tưr, đhâu ntơư xair tsov 20 lênhx tưr tâu jông yax chia tưr jâus suôx câuv. Njiaz lul hâur tưr jâus suôx câuv, têx nênhs tưr muôx 3 phênhv li: Sâu ntâuz ntơưr, sơưr piar lul thiaz têz têx lul nus.

Trơưk li cxênhz ntơưv Ban tổ chức jias tưr, têx njiaz lul tưr puôr lênhx zos fuô kria lol sâuv Nghị quyết Đại hội 14 ntơưv Đảng thiaz nghị quyết đại hội đảng bộ cxuô cấp, ntu 2025 - 2030; đros ntơư muôx kror sâu lol sâuv thax tsav qơư nhoz, cơ quan, đơn vị. Têx nênhs tưr tưz muôx cêr njênhs, piar nhiak li muôx pênhr xưv nxias, kria têx njiaz lul siz txuôk jưk thiaz kria tas siaz; zôngv têx đuôz zênhx zav, video, ntơưr cok kria pâuz đros trâu têx tsưr ziv chia cov jông yax trâu jax piar fuô kria. Yênhx phênhv tưr têz lul nus, phênhv ntâu têx nênhs tưr puôr lênhx truôx siaz, piar tsik muôx kror nduô, txơưx đơưk têx zav muôx yưv; têz lul nus zos qơư, zos nênhs pâuz cxix têx njiaz lul lol sâuv lý luân chính trị thiaz hâux lưv fuô lês nghị quyết ntơưv cơ sở.

Muôx lul suôx câuv jias tưr, đồng chí Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh, Thơưx Ban kriz jias tưr, cxiz têx cấp ủy, tổ chức đảng tror moz siaz chox car hlôngr yiaz côngz xưv fuô lul; cxơưz lês tâu jông hâux lưv ntơưv têx báo cáo viên, fuô lul trơưk faz muôx liv, jông, fiv huv thax tsav; saz fuô kria cêr chai, zaz zâuv cxuô cấp tror saz lax cxiv kho têx báo cáo viên, fuô lul; moz siaz kria nzir tsưr ziv, lol sâuv fuô lul, pâuz lol sâuv siaz xav, pêx xênhv cêr chia siaz; yênhx đồng chí báo cáo viên, fuô lul tror saiz hloz tsưr ziv tưx cơưv shâuv, zok nriar cêr pâuz, cxaz nzir pênhr xưv lý luận chính trị, tsưr ziv lês hâux lưv hâur niax hnuz; ndo njôngr zôngv têx zav đruôz mair hlôngr số, công nghệ thông tin hâur côngz xưv fuô kria.

Suôx câuv jias tưr, Ban kriz tưz muôz giải iz trâu lênhx tưr Cao Lệ Quyên, Đảng bộ xã Sông Mã; muôz 2 giải oz, 3 giải pêz, 5 giải cxơưz jos thiaz 9 giải chuyên đề trâu têx nênhs tưr. Đros ntơư, xair tsov: Cao Lệ Quyên, Đảng bộ xã Sông Mã; Cà Văn Minh, Đảng bộ xã Mường É, côngv jias tưr hâur thax tsav zos Ban Tuyên giáo thiaz Dân vận Trung ương kriz. Ndax jias no, UBPX tỉnh tưz muôz Ntơưr kruôk trâu têx nênhs tâu giải iz ntơưv jias tưr.