Jias cơưv, muôx têx đồng chí Ủy viên Ban Thường vụ Tỉnh ủy, Thường trực HĐPX, UBPX; nov chox car cxuô sở, ban, ngành. Jias no, cơưv cias ntơưv qơư thiaz kriz thôngz cxuô xã, phường hâur tỉnh.

Hâur 6 luz hli hâu shông 2026, nhiax txiax tỉnh Sơn La tror huôv tsar truôx njês thiaz lês tâu ntâu zav hâux lưv jông. Iz cxia hax huv kôngz lông tsênhv chênhz, li: Txir nkhơưz kaz jiz sâu tâu 106.095 tấn, mo môngk 80.400 tấn, caz tsiz 701.181 tấn, yuôx zêx 18.065 tấn... Tsiax cxu huôv tsar truôx njês, muôx txâuk graix muôs trâu sơưr đơưk sir zôngv. Công nghiệp tror huôv tsar uô ntêx hlo, chỉ số công nghiệp 6 luz hli hâu shông tsar yax 9%; điện nto 5.622 triệu kWh, tsar yax 12% njuôk li ntu uô ntêx. Tas nro têx xiv huv sâu tâu 23.000 tỷ nhiax, tsar yax 12%; muôs huv muk oz chas têz qơưk sâu tâu 128 triệu 100 cxênhz đô la, tsar yax 13%. Nhiax txiax sâu hâur thax tsav 6 luz hli tâu 2.721 tỷ, yax 57% Trung ương zok, ntâu mê njik 53% HĐPX tỉnh zok. Tsi njênhk cxưx nhiax uô 13 luz yar cơưv liên cấp trơưk đraiv tuôr xav; tưr tas ntơưr THPT shông 2026 thôngz tỉnh nhaz xênhz lus, trơưk đraiv chai; shâuv yênhx côngz jias phax tar têx zav tsik jông por hưv tỉnh shông 2026.

Ntơưv jias cơưv, têx đại biểu tưz saz lax trâu têx dự thảo báo cáo, tuôr xav, quyết định, tờ trình lok sâuv: tso chai, fuô mênhx têx dự án jav nhiax lês hâux lưv ntu 2026-2030 hâur thax tsav tỉnh Sơn La; fuô tiêu chí cxênhz yuôx hâux lưv lês ntơưv têx cơ quan têz qơưk thôngz tỉnh; têx cêr chai cán bộ, công chức, viên chức tâu thêv nhiax hli txix nhiax têz qơưk trâu nov hâu cấp tỉnh, cấp xã thiaz têx hâux lưv zok zuôr nênhs uô hâux lưv shông 2026; chai xair nênhs, chos luk cộng tác viên toz hâu nênhs lês hâux lưv hâur thax tsav tỉnh Sơn La; fuô mênhx têx nhiax kruôk têx huấn luyện viên, vận động viên muk tưr thể thao têz qơưk thiaz têx jias tưr thể thao ntơưv bộ, ngành, tỉnh, thành phố zos Trung ương saiz car tso chai tưr; Lês têz qơưk luôs hâux lưv cxiv tsa jêx jok yiaz, txo cêr pluôs truôx njês thiaz huôv tsar nhiax txiax - xã hội thax tsav pêx xênhv hair nênhs tsơưs thiaz tox siaz thôngz tỉnh ntu 2026-2030 thiaz têx hâux lưv lês shông 2026…

Ntơưv jias cơưv, đồng chí Chủ tịch UBPX tỉnh cxiz cxuô sở, ngành, cxuô qơư sir jos lês hâux lưv trơưk phênhv shuôv, lar haik mak têx thơưx chox, zok mênhx hâux lưv trâu yênhx lênhx, xav mênhx hnuz nhôngs lês, zok mênhx phênhv shuôv, vax huôv chia lês cov tiar hâux lưv. Zênhx max đơưk cxuô cêr chor nhov, phiv liv thâuv uô cxuô zav ntâuz ntơưr, đêx ar, khơưz têx zav nhoz đruôz ar, yêv qơư, trâu siaz uô nox uô hâuk, uô lax luôv..., ntơư zos têx hâux lưv zuôr tsuv lês uô ntêx hlo, chia cxơưz cêr huôv tsar. Zok sai cxuô zav nhiax têz qơưk; saz lax fuô lês têx hâux lưv têz qơưk shông 2026 thiaz ntu 2026-2030 hâur thax tsav thôngz tỉnh Sơn La tsênhr cov trơưk chai. Chênhr phax tir tar têx zav yưv, li: Ntux hiav, hluôr tơưk cuz har jôngr, tsưx hưv cêr nhaz xênhz. Tsi njênhk lês cxuô zav hâux lưv tsênhv chênhz, têx hâux lưv xav mênhx ntơưv Nghị quyết Chính phủ lok sâuv phênhv shuôv, tsưr ziv zov chênhr chia huôv tsar nhiax txiax - xã hội thiaz xav nhiax têz qơưk zôngv shông 2026.