Hâur luz 4 hli, têx cơ quan sâu xor fuô luk thax tsav thiaz trung ương nhoz hâur tỉnh tưz tsi njênhk ndâux luk chox car ntơưv Ban Tuyên giáo thiaz Dân vận Tỉnh ủy, UBPX tỉnh fuô kria zênhx max têx cxênhx xưv chính trị zov chênhr hâur têz qơưk, hâur tỉnh; têx hâux lưv uô tâu ntơưv thơưx car Đảng, Têz qơưk, thơưx car tỉnh li: Kriz Jias cơưv tiv iz Quốc hội khóa 16; Jias cơưv hur si têz qơưk tsov xav, cơưv shâuv, fuô lês Nghị quyết Jâus cơưv tiv oz Ban Chấp hành Trung ương Đảng khóa 14; Paz cxênhz yuôx số 29 ntơưv Bộ Chính trị, Ban Bí thư tuôx shuôk thiaz uô hâux lưv ntơưv tỉnh Sơn La... Têx cơ quan sâu xor fuô luk tưz kria pâuz mênhx pêv hâux lưv huôv tsar nhiax txiax- xã hội luz 4 hli trâu cxuô zav hâux lưv huôv tsar kôngz lông, har jôngr, cêr lax luôv, cxưx nhiax cxiv puôz; por hưv kar nox hur; côngz xưv saiz car gri hax huv, sâu nhiax txiax, tir tar têx nênhs uô luôv tsik zos chai...; hâux lưv uô tâu hâur cxiv tsa jêx jok yiaz; têx txov nhêv khuôv đais thiaz cxuô tsưr ziv yiaz cxơưz cxiv tsa jêx jok yiaz ntơưv Sơn La; Hnuz grâuv pax zok nriar hâux lưv uô shông 2026...  

Tuôr xav fuô kria hâur luz 5 hli, Ban Tuyên giáo thiaz Dân vận Tỉnh ủy cxiz cov têx cơ quan sâu xor fuô lul tror moz siaz fuô kria hâux lưv uô tâu hâur Jias cơưv tiv iz, Quốc hội khóa 16; Jâus cơưv chuyên đề tiv iz, HĐPX tỉnh khóa 16 thiaz têx hâux lưv njiz cử tri tov kaz têx jias cơưv; fuô kria hâux lưv uô trơưk têx nghị quyết tso tơưv ntơưv Bộ Chính trị; cxuô hâux lưv uô tâu ntơưv pêz têz qơưk thiaz ntơưv tỉnh hâur 5 shông 2021 - 2025. Fuô kria muôx kaz hâu nov hâu thax tsav 2 cấp hâux lưv; têx tổ chức đảng, nov hâu, MTTQ thiaz têx tổ chức chính trị- xã hội xã, phường hâux lưv; đơưk phaiz cấp, phaiz vax huôv, nhiax pênhr, tiz nênhs, chuôz tav cêr txov nhêv, khuôv đais; cxuô cấp, cxuô ngành, têx thax tsav moz siaz fuô lês hâux lưv chính trị, huôv tsar kôngz lông, uô lax luôv luz 5 hli thiaz 3 luz hli txix luz 4 hli txos luz 6 hli shông 2026; tsik tsês kria pâuz hâux lưv fuô lês têx dự án lox li: Dự án txox cêr yêz muk chênhr Hòa Bình - Mộc Châu, ntu muk đhâu thax tsav tỉnh Sơn La; cxiv puôz yar cơưv liên cấp phổ thông dân tộc nội trú - tiểu học - trung học cơ sở ntơưv têx xã đriv têz...