Jias cơưv muôx têx đồng chí: Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh; Đặng Ngọc Hậu, Phó Chủ tịch UBPX tỉnh; Thiếu tướng Nguyễn Minh Tuấn, Ủy viên Ban Thường vụ Tỉnh ủy, Giám đốc Công an tỉnh Sơn La; thơưx car têx tỉnh Điện Biên, Thanh Hóa, Nghệ An thiaz têx tỉnh Hủa Phăn, Phông Sa Lỳ, Luông Pha Bang, Xiêng Khoảng (têz qơưk Lok Tsuôk); thơưx car Bộ Tư lệnh Tuz lênhv đriv têz; thơưx car Cục Cảnh sát cxênhz yuôx nênhs uô luôv zênhz, Bộ Công an; thơưx car têx sở, ban, ngành cik txos ntơưv tỉnh.

Muôx luk hâur jias cơưv, đồng chí Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh, haik mênhx: Hâux lưv Sơn La kriz Jias cơưv cxênhz côngz xưv siz khov phax tar nênhs uô luôv zênhz hla đriv têz jias tiv 22 zos iz txox cêr jông siaz, zos kror moz siaz sir jos ntơưv têx thax tsav hâur cxiv kho cêr chai phax tar nênhs uô luôv zênhz txix li têx tỉnh ntơưv Việt Nam - Lok Tsuôk. Đros ntơư, chia siaz tiak jias cơưv zuôr thôngx iz trôngs luk ntâu njiaz luk zov chênhr, tso tơưv têx tsưr ziv chia lês jông cêr siz khov phax tar nênhs uô luôv zênhz hla đriv têz, paz tsưx truôx thax tsav thiaz bôngs nzir cêr thôngx siaz txix li oz luz têz qơưk Việt Nam - Lok Tsuôk.

Lês ntâuz ntơưr chos luk hâur Jias cơưv cxênhz côngz xưv jias tiv 21, nov hâu thiaz têx nênhs muôx vax huôv 8 tỉnh tưz fuô lês jông côngz xưv phax tar nênhs cxâuv uô luôv zênhz txix li Việt Nam thiaz Lok Tsuôk. Têx tỉnh tưz moz siaz siz hu xor tôngx, kria pâuz têx mông, siz khov đơưk têx cêr phiv liv đhâu đriv têz, paz por hưv njias to thax tsav, paz huôv tsar nhiax txiax - xã hội thiaz bôngs nzir cêr thôngx siaz txix li oz têz qơưk.

Côngz xưv fuô kria tâu moz siaz txos txix li ntâu faz tsưr ziv fiv huv trâu cxuô thax tsav, cxuô lênhx nênhs, Têx nênhs muôx vax huôv tưz siz khov chia cxênhz yuôx, tir tar têx nênhs cxâuv uô luôv zênhz ntơưv thax tsav đriv têz; fuô lês jông hâux lưv phax tar têx txuz plâuz lox muôx yưv ntơưv thax tsav đriv têz. Hâur shông 2025, têx nênhs muôx vax huôv ntơưv 8 tỉnh tưz cxênhz pov 2.924 txuz, 4.655 lênhx nênhs cxâuv uô luôv zênhz; sâu tsês 184,66 chiaz zênhz đơưz, 39,11 chiaz zênhz đuz, 248,16 chiaz zênhz siz shơưk, yax 3,53 triệu luz zênhz siz shơưk, 105 traz fov, 246 luz mok txưr... đros trâu ntâu chuôz zênhx cik txos txơưr. Hâur ntơư, saz Việt Nam tưz cxênhz pov 2.503 txuz, 4.050 lênhx nênhs cxâuv; saz Lok Tsuôk cxênhz pov, cxov tâu 421 txuz, 605 lênhx nênhs cxâuv.

Hâur jias cơưv, thơưx car 8 tỉnh tưz chos luk ntâuz ntơưr chos njôngr jias tiv 22, thôngx iz trôngs luk tror siz khov lês jông côngz xưv phax tar nênhs uô luôv zênhz đhâu đriv têz. Njiaz luk moz siaz txos trâu hâux lưv cxiv kho ndêx ntus chính trị, huôv tsar nhiax txiax - xã hội thax tsav đriv têz; moz siaz fuô kria, cxiv tsa têx tiêu chí mênhx pêv chia kriz đar têx “jok tsik muôx nênhs kuôr zênhz, uô luôv zênhz”; moz siaz kria pâuz têx ntâuz ntơưr, siz khov tir tar têx nênhs uô luôv zênhz hla đriv têz... Têx tỉnh cux thôngx iz trôngs tsưx truôx cêr chai kriz cơưv trơưk chaix. Jias cơưv cxênhz côngz xưv phax tar nênhs uô luôv zênhz hla đriv têz jias tiv 23 shông 2026 zuôr zos tỉnh Hủa Phăn (têz qơưk Lok Tsuôk) kriz trâu shông 2027.

Muôx luk suôx câuv jias cơưv, đồng chí Đặng Ngọc Hậu, Phó Chủ tịch UBPX tỉnh Sơn La, haik tiak: Jias cơưv cxênhz côngz xưv phax tar nênhs uô luôv zênhz hla đriv têz zos jias chia têx tỉnh ntơưv Việt Nam thiaz Lok Tsuôk  siz chos cơưv shâuv tsưr ziv, moz siaz siz khov hâur phax tar nênhs uô luôv zênhz. Đros ntơư, siz chos kria pâuz lok sâuv têz qơưk, tiz nênhs thiaz cênhz cưv ntơưv oz hair nênhs, paz bôngs nzir cêr thôngx siaz, siz trâus jông txix li oz têz qơưk Việt Nam - Lok Tsuôk. Xar cov hâur ntu zuôr txos, têx thax tsav zuôr tror moz siaz chox car têx cấp, têx ngành, têx nênhs muôx vax huôv fuô lês ntov nti têx tsưr ziv phax tar nênhs cxâuv; lês jông têx njiaz luk tưz tâu thôngx iz trôngs luk hâur ntâuz ntơưr chis luk; tror nthuôr huôv jông cêr thôngx siaz, cxiv tsa thax tsav đriv têz oz têz qơưk truôx njês thiaz huôv tsar.