Côngv jias cơưv muôx têx đồng chí: Nguyễn Đình Việt, Phó Bí thư Tỉnh ủy, Chủ tịch UBPX tỉnh; Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh; têx đồng chí Ủy viên Ban Thường vụ Tỉnh ủy; têx đồng chí hâur Thường trực UBPX, Ủy ban MTTQ Việt Nam tỉnh; thơưx car têx sở, ban, ngành ntơưv tỉnh thiaz têx đại biểu HĐPX tỉnh khóa 16.

Hâur jias cơưv, đại biểu tưz jông siaz tso tsês Uỷ viên UBPX tỉnh trâu zơưs Hoàng Văn Vạn, kuz Giám đốc Sở Tài chính, viv hlôngr qơư uô côngz xưv; xair nzir Ủy viên UBPX tỉnh trâu zơưs Đinh Trung Dũng, Giám đốc Sở Tài chính thiaz pos Hà Thị Ngọc Yến, Giám đốc Sở Khoa học thiaz Công nghệ.

Hâur jias cơưv, HĐPX tỉnh tưz saz lax, tso chai lês 24 nghị quyết zov chênhr txos iz cxia njiaz luk li: kho đuô cêr chai muôz nhiax cxiv puôz txox cêr yêz muk chênhr Hòa Bình - Mộc Châu, ntu hâur thax tsav tỉnh Sơn La; hlôngr vax huôv sir zôngv ar har jôngr thiaz iz cxia njiaz luk cik txos muôz nhiax lês hâux lưv têz qơưk txix li pênhr nhiax thax tsav ntu 2026-2030 (jias 2); phaiz nhiax lês têz qơưk luôs hâux lưv shông 2026 txix li pênhr nhiax tso ntiar ar hâur tỉnh; iz cxia cêr chai lok sâuv gruô hu bác sĩ, dược sĩ; paz têx nênhs uô hâux lưv muk uô nuv trâu oz chas têz; paz nhiax trâu têx paz nthuôr txux chi, sênhr chêr ntơưv jok, tiểu khu, tổ dân phố hâur thax tsav tỉnh.

Hâur jias cơưv, HĐPX tỉnh Sơn La tưz tso chai lês ntâu nghị quyết zov chênhr, muôx vax huôv txix hnuz xiaz 7/9/2026. Hâur ntơư, tsov xav Nghị quyết ntơưv HĐPX tỉnh quy định cêr chai paz nênhs uô hâux lưv ntơưv tỉnh Sơn La muk uô hâux lưv trâu oz chas têz ntu 2026 - 2030. Trơưk ntơư, nênhs uô hâux lưv tâu paz nhiax choz kria uô ntêx zuôr muk uô hâux lưv trâu oz chas têz, ntâu tsik yax 530.000 đaiv/jâus cơưv; nhiax choz kria nzir tsưr ziv ntâu tsik yax 4 triệu đaiv/jâus; nhiax nox hâur six hơưv kria nzir tsưr ziv tsik yax 50.000 đaiv/hnuz; nhiax nhoz hâur six hơưv cơưv mal 400.000 đaiv/hli; paz nhiax muk lok trâu têx nênhs nhoz đêz thax qơư cơưv txix 15 caik tror sâur zos 200.000 đaiv/nênhs/jâus; paz nhiax uô hộ chiếu, lý lịch tư pháp, njuôk đas jos mal 750.000 đaiv/nênhs.

Jias cơưv cux tưz tso chai lês Nghị quyết ntơưv HĐPX tỉnh lok sâuv cêr chai gruô hu bác sĩ, dược sĩ lok uô hâux lưv hâur tỉnh ntu 2026 - 2030. Trơưk ntơư, têx bác sĩ, dược sĩ tâu sir zôngv cêr chai cxơưz paz hâur ntu 2026 - 2030, tsik yax 225 chỉ tiêu (180 bác sĩ, 45 dược sĩ). Nhiax paz txix 70 txos 150 triệu đaiv/nênhs. Nzir txix 60 txos 100 triệu đaiv/nênhs zos lok uô hâux lưv trâu Trạm Y tế xã/phường lok sik têx cơ sở chuyên khoa.

Jias cơưv tưz saz lax iz cxia njiaz luk trơưk vax huôv ntơưv HĐPX tỉnh, hâux lưv muôx hâux lưv phaiz cấp, nthuôr huôv jông phênhv shuôv ntơưv nov hâu thax tsav hâur lês têx cxênhx cxênhv, hâux lưv tâu zok.

Câuk luk jias cơưv, đồng chí Lò Minh Hùng, Phó Bí thư thường trực Tỉnh uỷ, Chủ tịch HĐPX tỉnh Sơn La, haik mênhx: Txix nhiv no txos kaz shông 2026, hâux lưv lok six ntâu, cxiz cov cxuô cấp, cxuô ngành zuôr tsuv zênhx max fuô lês, nzor muôz têx nghị quyết lok trâu hâur luz nênhx, tsi njênhk cov zênhx max, tâu jông. Đros ntơư, moz siaz lês jông têx hâux lưv huôv tsar nhiax txiax - xã hội, sir jos muôz nhiax lês hâux lưv têz qơưk, đơưk zênhx max têx cêr phiv liv hâur uô kôngz lông, lax luôv; lês sai têx công trình zov chênhr, yax hlo zos txox cêr yêz muk chênhr Hòa Bình - Mộc Châu; dự án cxiv puôz 13 yar cơưv nội trú liên cấp thax tsav đriv têz, bax lês dự án cêr yêz muk chênhr CT03, ntu ntơưv Mộc Châu - Sơn La - Điện Biên... Tso tơưv têx cêr chai cov cxix cxuô, paz max chia huôv tsar nhiax txiax - xã hội ntơưv tỉnh ntu 2026 - 2030 thiaz lês tiar Nghị quyết Đại hội Đảng bộ tỉnh ntu 2025 - 2030.