Jias cir ntơưr chos luk, muôx đồng chí Nguyễn Minh Tiến, Phó Chủ tịch UBPX tỉnh; nov chox car iz cxia sở, ngành; hlôngr njêx muôs UBPX xã Yên Châu thiaz têx đơn vị cik txos.

Dự án đar yax 117.757 thiar xưv phaz, muôx 1.800 lênhx nênhs nhoz. Cêr chai tuôr xav kho đuô têx cêr, vax tsê hâur đrôngs jông siz luôs trâu pêx xênhv nhoz cov yiaz khir, muôx tsêr nhoz, qơư lax luôv trơưk njuôk tsov mênhx tỷ tsôngv 1/500 tưz tâu cir. Trơưk njuôk tsov, dự án cxưx nhiax uô cêr, vax tsê jông siz luôs, đar yax 41.000 thiar xưv phaz, muôx: Cêr yêz, tênhz điện, qơư trâu đêx ntưk, xor tôngx... Lok sâuv tsêr xã hội, dự án uô 1 luz ciaz đar yax 15.500 thiar xưv phaz chia uô qơư lax luôv; cux cxưx nhiax uô 2 kror qơư uô si muôx vax pax, đar yax 18.500 thiar xưv phaz thiaz zok trâu Têz qơưk saiz car thâuv uô tiar.

Dự án muôx 297 njux ar, zos: Têx ar siz puôk chiav, uô tsêr thiaz ar trâu pêx xênhv yêv muk nhoz. Hâur ntơư, tsưr cxưx nhiax uô cov tiar iz ndis 28 luz tsêr ntơưv têx ntu cêr tsênhv chênhz; đuô li cxuô njux ar tsênhv yuôr zuôr tâu muôz nhiax uô cov tiar uô ntêx thâuv zok trơưk đraiv chai. Têx qơư pêx xênhv nhoz, muôx 20 njux ar, chia têx ziv pêx xênhv têz qơưk thuk ar yêv muk nhoz. Tas nro têx nhiax cxưx uô dự án nto 472 tỷ 400 triệu txix cxuô zav nhiax; dự án zuôr uô hâur 57 luz hli.

Ntơưv jias uô hâux lưv, đồng chí Nguyễn Đình Việt haik mênhx, dự án lok six muôx txiax njis tsênhv chênhz zuôr paz đrôngs jông jav, cxơưz cêr huôv tsar thax tsav đrôngs xã Yên Châu. Đồng chí cxiz xã Yên Châu siz chos uô jông lês côngz xưv fuô kria cov pêx xênhv sơưr đơưk đros lês sai hâux lưv yêv qơư. Tỉnh Sơn La chos luk zuôr paz max tsưr cxưx nhiax hâur ntu lês hâux lưv; cxiz têx tsêr cxưx nhiax trâu siaz njo uô cov sai, jông siz luôs, cxiv tsa đrôngs Yên Châu zênhv hnuz zênhv jông đuô.