Hâur jias cơưv, thơưx car Sở Nội vụ tưz kria pâuz têx hâux lưv hâur hnuz bầu cử đại biểu Quốc hội khóa 16 thiaz đại biểu HĐPX cxuô cấp ntu 2026 - 2031. Trơưk ntơư, côngz xưv bax nênhs chia bầu cử tưz tâu lês jông, trơưk đraiv cêr chai; hâux lưv lo cử tri têx bê thiaz far trâu ntơưr tưz tâu lês trâu sơưr đơưk pov njôngr, ndax ndênhk trơưk đraiv cêr chai. Côngz xưv fuô kria tâu moz siaz txos, paz trâu pêx xênhv pâuz mênhx zuk phênhv shuôv, paz muôx cêr shir phaz hâur Hnuz grâuv pax hur si cxuô lênhx pêx xênhv muk bầu cử, tyv tsôngv têx cử tri tuôx bầu cử tâu 99,72%.

Côngz xưv bax chuôz zênhx chia kriz hnuz bầu cử tâu lês cxix cxuô, trơưk đraiv cêr chai. Lực lượng công an, quân sự thiaz têx nênhs muôx vax huôv txơưr tưz fuô lês cxix cxuô faz tsưr ziv, siz khvo truôx khor chia por hưv thax tsav tso phiếu nox nhoz  njias to, nhaz xênhz.

Fuô lês cxix cxuô hâux lưv sâu cử tri têx bê, saiz car têx ứng cử thiaz cxênhz yuôx hâux lưv fuô lês jias bầu cử sâuv phần mềm bầu cử; tsi njênhs lês tâu jông hâux lưv hâur hnuz bầu cử đại biểu Quốc hội khóa 16 thiaz đại biểu HĐPX cxuô cấp hâur thax tsav tỉnh trơưk đraiv six hơưv. Tỉnh tưz xair txâuk têx đại biểu Quốc hội khóa 16 thiaz đại biểu HĐPX tỉnh trơưk đraiv cêr chai têz qơưk; tsik muôx thax tsav tso phiếu tưs muôx tyv tsôngv cử tri muk xair tâu kik đuô 50%; tsik muôx đơn vị bầu cử, thax qơư tso phiếu zuôr tsuv kriz xair đuô, bầu cử nzir lok sik tsik zuôr têx zav tưz bầu cử.

Muôx luk hâur jias cơưv, đồng chí Chủ tịch UBPX tỉnh, Chủ tịch Ủy ban Bầu cử tỉnh tưz kruôk txos cêr sir jos ntơưv têx cơ quan, đơn vị cik txos thiaz têx thax tsav hâur cêr cxơưz paz lês yênhx côngz trâu jias bầu cử. Đros ntơư, cxiz cov têx thành viên Ủy ban Bầu cử tỉnh tror cxênhz cxix cxuô têx hâux lưv hâur thax tsav tỉnh; lês tiar ntâuz ntơưr chia xa trâu Hội đồng Bầu cử têz qơưk thiaz têx cơ quan muôx vax huôv. Têx cơ quan cik txos siz khov lês jông côngz xưv fuô kria lok sâuv jias bầu cử, paz muôx cêr thôngx siaz thiaz cêr njênhs hâur pêx xênhv. Lês jông hâux lưv tuôr xav têx đại biểu tâu xair trơưk vax huôv thiaz cêr chai têz qơưk; đros ntơư bax cxix cxuô zav chia đại biểu tâu xair nzor lês hâux lưv trơưk đraiv cêr chai...