Côngv Jâus tưr cán bộ kria chính trị coz, muôx 5 chính trị viên ntơưv Trung đoàn 754. Iz lênhx tưr pêz phênhv: Kho sâu têx jax kria; lês siv jax kria, đros trâu kho đơưk têx cêr kria thâuv kria têx jax; têx txux chi hur si. Ntơưv phênhv tưr kho sâu jax kria, thí sinh bax 1 chuyên đề hâur cxiax cxênhv choz kria chính trị ntơưv đơn vị shông 2026 fiv huv tiz nênhs. Phênhv tưr siv kria têx jax, thí sinh kria  1 txos 2 njiaz luk hâur jax kria tưz bax trơưk li tơư kria ntơưv Ban Giám khảo

Phênhv tưr to tâuz, muôx 2 njiaz luk, Ban kriz lês bax têx tsêr nhiax luk nus,  thí sinh tưx ro 1 đề tưr trắc nghiệm thiaz 1 khơư luk nus kho đơưk siaz xav ntơưv tuz lênhv (quân nhân). Tưr trắc nghiệm côngv trâu têx zav zov chênhr lok sâuv côngz xưv choz kria chính trị ntơưv đơn vị nhiv no.Tưr kho đơưk siaz xav hâur ntâuz ntơưr “Cêr nhax pâuz têx côngs uô zuôv chai, tsik nhaz xênhz, cêr xav txơưr txar thiaz kria faz kho đơưk ntơưv cán bộ cơ sở txos têx cêr siaz xav têx jâus muôx yưv” ntơưv Cục Tuyên huấn, Tổng cục Chính trị.

Ntơưv Jâus tưr Báo cáo viên coz, muôx 9 thí sinh zos Bí thư, Phó bí thư, Cấp ủy viên têx chi bộ thiaz Đảng ủy bộ phận Tiểu đoàn Bộ binh 1, iz tus thí sinh tưr 3 phênhv: Kho sâu đề cương piar kria; tưr piar kria thiaz tưr têz têx luk nus ntơưv Ban Giám khảo. Njiaz luk têx khơư luk nus cik txos jax piar kria, muôx kriz đar chia cxênhz yuôx txux chi, cêr txơưx ntơưv báo cáo viên. 

Suôx câuv Jâus tưr, Ban kriz lês, Ban giám khảo ntơưv 2 jâus tưr cxênhz txos têx thí sinh muôx phênhv bax cxix cxuô, đề cương ntov, tuôr xav fiv huv; cêr thav mênhx pêv, hnor tsênhz; uô tâu jông cêr zôngv ndâux fuô luk, txâuk siaz, muôx kror chơư tâu nênhs xar mnôngs; pâuz côngv đros chai lý luận thiaz tsênhz mênhx, đros cêr kria txux chi thiaz tơư kria cêr xav. Lar haik, tưz pâuz sir zôngv muôx liv chuôz zênhx fuô mông, sir zôngv tso yưv máy, muôx đuôz pir txưr, siz chos yôngv siaz cêr kria jông têx jax.

Suôx câuv jâus tưr, Ban kriz tưr tưz choz 2 zênhx tiv iz, 2 zênhx tiv oz, 2 zênhx tiv pêz thiaz têx muôx zênhx trâu têx thí sinh tưr tâu siaz ntơưv jâus tưr.