Txuv cơưv muôx têx đồng chí Phó Chủ tịch UBPX tỉnh, Phó Chủ tịch HĐPX tỉnh; thơưx car têx sở, ban, ngành ntơưv tỉnh. Jâus cơưv tâu kriz pov njôngr txos têx xã, phường.

Luz 8 hli thiaz 8 luz hli shông 2026, cêr khưr nhiax txiax-xã hội ntơưv tỉnh truôx njês thiaz uô tâu ntâu. Hâur luz 8 hli, cxuô zav công nghiệp xav tsar 4,5% njuôk li hli uô ntêx thiaz tsar 26,67% njuôk li chaix no tsaiz no. Xav hur si cxuô zav kênh muôs tâu 4.480 tiv nhiax, tsar 29,3% njuôk li chaix no tsaiz no; nux gri hax huv muôs trâu luôs têz qơư tâu 15,49 triệu nhiax đô la, tsar 49,85% njuôk li hli uô ntêx; sâu nhiax têz qơư thax tsav tâu 465 tiv nhiax, cxaz 8 luz hli tâu 3.760 tiv nhiax.

Txos hnuz 20/8, muôz nhiax uô hâux lưv têz qơưk tâu yax 3.270 tiv nhiax, bâuv 41,6% xav hur si cêr xav pênhr. Côngz xưv paz thiaz gruô hu cxiv tsa tâu moz siaz, hâur hli tỉnh tưz tso chai lês 32 dự án cxiv tsa tsik zos thax công nghiệp, xav pênhr chos luk 49.350 tiv nhiax; tso chai kho đuô 17 dự án. Uô kôngz txir truôx njês; tỉnh tưz trâu siaz paz đơưk ntux hiav, muôx têx faz phax tar caz moz hiav tsiax cxu thiaz bax jông cxuô zav trâu Jâus gruôv pax Cà phê Sơn La jâus tiv 2.

Têx cêr chai nhiax txiax uô nênhx yar ntux xã hội, tu saiz nênhs muôx côngz tâu moz siaz. Côngz xưv bax trâu shông cơưv yiaz 2026 - 2027, lar haik mak muôz zôngv 2 yar cơưv phổ thông nội trú liên cấp ntơưv xã đriv têz Yên Sơn thiaz Lóng Phiêng. Côngz xưv kho moz, phax tar moz thiaz njuôk đas jos tsik zuôr nhiax trâu pêx xênhv tâu fuô lês muôx liv. Nuôv zax tsik tsês tsar nênhs chôngz txos 272 cxênhz pưs kruô hâur luz 8 hli, nhiax nuôv zax sâu tâu 350 tiv đaiv.
Cêr tsưx njias to chính trị, tưx zưv nhaz xênhz xã hội thiaz vax huôv đriv têz tâu tsưx truôx. Tỉnh tror tok ntâu paz kruô ntiax têz, kho nzir cêr siz khov siz trâus jông hur si têx tỉnh Lok Tsuôk.

Têx đại biểu côngv saz lax, haik tsênhz têx tsik tiar, luôs tư, txix ntơư tso tơưv têx faz mênhx pêv côngv fuô lês muôx liv têx hâux lưv: Xav cov tsar nhiax, sâu nhiax, muôz nhiax cxiv tsa nuv têz qơư, fuô lês dự án zov chênhr, gruô hu cxiv tsa; têx nuv njuôk, kho moz trâu pêx xênhv; cêr xav zuôr cán bộ, công chức shông 2026; têx nuv cxênhz yuôx, kho dơưk têx qơư toz tsik muôx chuô xor tôngx.

Ntơưv jâus cơưv, têx đại biểu tưz saz lax, muôx ndâux luk trâu tsov xav Quyết định ntơưv UBPX tỉnh txos: Cxaz nzir cêr xav sir ar chia muôx nhiax txix ar shông 2026 thax tsav tỉnh; Đề án huôv tsar nhiax txiax thax tsav đriv têz thax tsav tỉnh Sơn La, ntu 2026 - 2030 thiaz 2030 - 2035; phaiz thiaz cxaz nhiax sir shông 2026; tưz zok, hlôngr, muôs fênhx zis têx chuôz zênhx têz qơưk thax tsav tỉnh.

Câuk luk jâus cơưv, đồng chí Nguyễn Đình Việt cxiz têx cấp, têx ngành, têx cơ quan, đơn vị, thax tsav yôngv siaz phênhv shuôv, ndo njôngr, trâu siaz fuô lês cxix cxuô, zênhx max têx nuv tâu zok, tsik so cxênhz, cxiz, sox njôngr cêr lês thiaz nuv tưz uô. Tror fuô lês tias, muôx liv têx hâux lưv, faz cxơưz nhiax cxiv tsa nuv têz qơưk, cxiv tsa cêr tuôr xav muôz nhiax yênhx hli, sir jos muôz nhiax 100% cêr xav pênhr shông 2026 tâu Thủ tướng Chính phủ zok. Côngv kho đơưk, tu mênhx têx chor nhov, khuôv đais txos têx dự án tsik tiar, lâus ntêr hnuz nhôngs. Ndo njôngr yuôx, phênhz têx dự án; taix khov faz kho đơưk tsênhz mênhx txos yênhx côngs dự án; đros trâu phênhv shuôv ntơưv paz pơưs, tus khênhx tâu zok fuô lês. Tsik so gruô hu cxiv tsa, huôv tsar qơư uô nhiax txiax tus khênhx, kho đuô cêr cxiv tsa uô luôv. Côngv huôv tsar khoa học, chuôz zênhx, hlôngr yiaz xav tơưv thiaz hlôngr số. Côngv fuô lês Cêr xav ntơưv UBPX tỉnh txos kriz njuôk đas jos trơưk chaix lok sik njuôk xair tsik pôngz nhiax trâu pêx xênhv thax tsav tỉnh Sơn La shông 2026; bax jông cxuô zav chia Kriz c ơưv shông yiaz 2026-2027 ntơưv têx yar cơưv, chok nxiak jông, tsênhz, muôx liv, muôx cêr cax siaz, shir phaz trâu hnuz kriaz cơưv - hnuz gruôv pax tas nro pêx xênhv chox tuz ci muk yar cơưv. Ndo njôngr phax tar têx zav muôx yưv nzir sai li ntux hiav, nas cuôr, cuz jôngr, njias to tưx zưv zuk thax tsav…