Jâus uô hâux lưv muôx têx đồng chí: Nguyễn Minh Tiến, Phó Chủ tịch UBPX tỉnh; Đào Tài Tuệ, Ủy viên Ban Thường vụ Tỉnh ủy, Giám đốc Sở Xây dựng; thơưx car têx sở, ban, ngành ntơưv tỉnh, UBPX phường Vân Sơn; hlôngr njêx muôs têx nênhs muôz nhiax uô.

Dự án Thax tsav đrôngs yiaz jê trung tâm nuôv zax zov chinhr ntơưv phường Vân Sơn zos Công ty cổ phần Đầu tư xây dựng Hoàng Dương muôz nhiax cxiv tsa uô, xav đar hur si 47,68 ha, zuôr cxiv puôz tas 2.073 tỷ nhiax. Dự án muôz nhiax uô cêr yêz, muôx qơư trâu đêx ntưk, gruk đêx, liv đêx kiak nênhs, chaz điện, tơưk tênhz pov cêr, đros cxuô zav jông thiaz têx qơư so, nox hâu; xair phaiz uô 1.015 njux ar nhoz. Dự án njuôk xav yênhx Thax tsav đrôngs yiaz đros trâu tox trôngz hâur pêk jông, paz iz phênhv tưs uô tiar vax tsê, cêr mul lol Thax tsav nuôv zax têz qơưk Mộc Châu. 

Hlôngr njêx muôs tus tsưr muôz nhiax uô chos lul lês ntov chai ntơưv cêr chai lix qox, moz siaz muôz nhiax fuô lês dự án trơưk li tuôr xav, nhav nxiak tâu jông thiaz sâu nju nhiax. Dự án tâu huôv tsar truôx njês, fiv huv txix li huôv tsar nhiax txiax thiaz por hưv cêr nyiaz hur, saiz hloz têx zav muôx txơưv hâur thax tsav, paz iz phênhv tưs chuôz jos trâu cêr huôv tsar nhiax txiax - xã hội thiaz cxơưz pêx xênhv hâur thax tsav luz nênhx.

Muôx lul ntơưv jâus chos lul, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh, chok nxias tỉnh Sơn La zuôr paz zôngx ziv chia têx tuz luôv muôz nhiax fuô lês dự án trâu hâur thax tsav. Đồng chí cxiz têx sở, ngành, thax tsav saiz hloz phênhv shuôv, đros đơưk têx cêr phiv liv, tsik chia lês kênhz tiv zos uô ntâuz ntơưr. Đros ntơư, cxiz têx nênhs muôz nhiax cxiv puôz đros têx sở, ngành thiaz nov hâu thax tsav, saiz hloz pênhr xưv, tsưr ziv, muôx txâuk nhiax chia fuô lês dự án nhav nxias trơưk li tuôr xav, zôngs trơưk cêr chai têz qơưk, paz iz phênhv tưs uô tiar têx vax tsê, cêr mul lol hâur Thax tsav nuôv zax têz qơưk Mộc Châu thiaz cxơưz huôv tsar nhiax txiax - xã hội ntơưv tỉnh.