Jias no muôx nênhs hlôngr njêx muôs cxuô sở, ban, ngành ntơưv tỉnh, iz cxia tsêr luôv, hợp tác xã hâur thax tsav tỉnh đros têx chuyên gia, tsưr khoa học.

Ntơưv jâus saz lax, cxuô đại biểu tưz cxênhz kror huôv tsar mênhx pêv têx qơư huôv tsar nhiax txiax paz pơưs thax tsav.  Xav tas 3 luz hli hâu shông 2026, hur si tỉnh muôx 4.891 tsêr luôv, xav hur si nhiax pênhr đăng ký yax 146.000 tỷ nhiax thiaz 1.146 hợp tác xã. Nhiv no thax tsav ntơư taz tov côngv 55% GRDP, sâu tâu 60% nhiax txiax thiaz paz 110.000 tus nênhs muôx hâux lưv uô. 

Hâux lưv cxưx nhiax uô lax luôv ntơưv tỉnh muôx ntâu hlôngr yiaz. Chỉ số txo tsơưs ntâuz ntơưr (PAR Index) shông 2025 tâu 90,02%, uô ntêx lông hâur hur si têz qơưk. Lar haik, tsưr muôz nhiax uô tưz lok six shir phaz thâuv pênhr cxưx nhiax uô ndê yax 70% hâur têx shông đhâu.

Iz chas têx hâux lưv uô tâu, jias saz lax tsênhv kria pâuz têx kror ruôr hiav txos tsêr luôv. Đhâu cxênhz, muôx yax 80% tsêr luôv thax tsav tsik uô nox lox, uô trâu tsưr ziv chox car, saiz car nhiax pênhr thiaz hlôngr yiaz muôx phaz nzưr tsênhv lês tsik tâu jông. Tỷ tsôngv tsêr luôv txaik nhiax pênhr tsuôk zos tâu 24,5%; iz cxia chỉ số zov chênhr li: Cxênhz đuô đêx ar thiaz kror đrơưv đrôngk ntơưv nov hâu zênhv hnuz zênhv grêk tsơưs; kroz siz chos lês hâur "Tsêr luôv - Hợp tác xã - Tuz kôngz" tsik ntov nti, tsik tâu nhoz hâur tsưr ziv uô hax huv muôx gri muôs trâu oz chas têz.

Ntơưv jias saz lax, cxuô đại biểu tưz kria pâuz ntâu kror cik txos hâux lưv hlôngr yiaz tsưr ziv uô lax luôv; cxơưz tsêr luôv côngv nhoz hâur tsưr ziv uô luôv hax huv muôx gri, hlôngr pâur số, hlôngr yiaz muôx phaz nzưr; huôv tsar tiz nênhs txơưx uô hâux lưv; huôv tsar nhiax txiax tus khênhx hâur huôv tsar kôngz lông har jôngr thiaz uô luôv điện tử.

Ntâu ndâux luk haik tiak, chia thax tsav nhiax txiax tus khênhx lar tsiv nhos zos kror qơư zov chênhr sâu nju nhiax txiax ntơưv tỉnh, Sơn La tsuv tror tsik tsês tso tsơưs ntâuz ntơưr muôx kaz hâu; hlôngr yiaz hâux lưv chox car ntơưv cxuô cấp nov hâu; paz tsêr luôv tâu zuôr đêx ar, txaik nhiax thiaz tâu paz ntâu zav pênhr huôv tsar. Đros ntơư, tỉnh tsuv moz siaz cxưx nhiax kriz cêr muk lok, logistics, hạ tầng số; paz tsêr luôv hlôngr yiaz chuôz zênhx jông, hlôngr pâur số, huôv tsar nhiax txiax.

Têx đại biểu cux khov tsuv tso tơưv cêr chai paz mênhx pêv trâu têx tỉnh tox siaz chia paz tsêr luôv huôv tsar kôngz lông, kriz đar cêr lax luôv, tâu nhoz hâur tsưr ziv uô luôv hax huv muôx gri muôs hâur têz qơưk thiaz oz chas têz. Iz chas ntơư, tsuv tsik tsês tâu kror siz chos uô hâur tsêr luôv, hợp tác xã thiaz tuz kôngz; huôv tsar têx tsêr luôv nhoz hâur hâux lưv huôv tsar kôngz lông sir zôngv chuôz zênhx jông, tu jông kôngz txir nox, nuôv zax har jôngr.

Câuk luk jias cơưv, thơưx car Liên hiệp têx Hội Khoa học thiaz Kỹ thuật tỉnh Sơn La haik mênhx, hâux lưv huôv tsar nhiax txiax tus khênhx trơưk Nghị quyết số 68-NQ/TW zos luôs hâux lưv lok six zov chênhr chia paz tỉnh Sơn La sâu nju nhiax txiax hâur ntu huôv tsar nhiv no. Têx ndâux luk khov hâur jias cơưv zuôr tâu sâu tsês, zos qơư chuôz muôx jos saz lax trâu tỉnh thiaz têx cơ quan muôx vax huôv hâur lês jông hâux lưv cxiv tsa, uô tiar cêr chai cxơưz thax tsav huôv tsar nhiax txiax tus khênhx huôv tsar sai, muôx kaz hâu thiaz truôx njês./.