Côngv saz lax muôx Tiến sĩ Nguyễn Trí Ngọc, Phó Chủ tịch Thường trực Tổng hội Kôngz lông thiaz huôv tsar jêx jok Việt Nam, nênhs hlôngr Sở Kôngz lông thiaz Môi trường đros têx tsêr luôv, HTX uô nuv faz uô tơưv, jov kôngz txir.

Saz lax tưz côngv nus txos têx cêr tsênhv uô kôngz lông njuôz, tsik tu, li: Qơư sơưr ntơưv nov hâu thax tsav hâur cêr cxơưz paz hlôngr njuôz; cêr txơưv zênhx thiaz tưr thair trâu tỉnh Sơn La thâuv lês nhiax txiax tsik tu hâur cêr uô kôngz lông; sir zôngv têx zav uô tâu sinh học hâur cêr kho đuô, kho đuô ar zuôs tsuôs; uô tơưv iz cxia huv kôngz lông trơưk faz hữu cơ, tso têx zav por tsês kil trơưk chai xav VietFarm; ruôr hiav ntơưv cêr hlôngr huôz chuô hâur xav paz tuz kôngz fiv huv hâur cêr uô tơưv kôngz lông…

Têx ndâux luk côngv ntơưv jâus saz lax tưz taix khov iz cxia faz lês hâur cêr huôv tsar kôngz lông ntơưv tỉnh Sơn La côngv trâu thâuv hlôngr njuôz, uô tơưv kôngz njuôz, chia txo tsơưs têx chuô carbon; yôngv siaz cêr tưr pênhr xưv, uô tơưv nux gri cêr tsar trâu têx huv kôngz lông, muôz uô kôngz lông siz khov đros nhiax txiax ntiax têz. Cxênhz txos cêr txơưv zênhx huôv tsar kôngz lông njuôz ntơưv tỉnh Sơn La côngv trâu têx cêr xav: Kôngz lông hữu cơ; nhiax txiax tsik tu; kôngz lông carbon kil; hlôngr số kôngz lông thiaz nuôv zax kôngz lông…

Sở Kôngz lông thiaz Môi trường khov txos Tổng hội Kôngz lông thiaz huôv tsar jêx jok Việt Nam tror paz cxiv tsa cêr xav faz huôv tsar kôngz lông ntơưv tỉnh hâur têx shông txuôk nzir. Têx HTX tsuv tsov xav têx nuv uô tâu hâur tsov xav, sir zôngv tsưr ziv uô kôngz hữu cơ hâur cêr hlôngr njuôz, yôngv siaz txiax njis uô tơưv, nux gri kôngz txir thiaz đas jos siz tưr ntơưv têx huv. Lês jông têx cêr xav uô kôngz lông tsik ntor jôngr, chia fiv huv têx cêr xav ntơưv chai ntiax têz, siz chos huôv tsar kôngz lông truôx njês.

Ndax jâus no, Hội tuz kôngz tỉnh Sơn La chos luk siz khov uô tơưv, zuôr muôs thiaz huôv tsar têx zav nux gri kôngz txir muôx Têx zav jông ciaz thành viên U-GIC Mart.