Uô ntêx thâuv muk, ntơưv Cam Ranh, têx đại biểu tưz muk hlơưr shaz ntơưv Mnov Chiến sĩ Gạc Ma thiaz Chùa Linh Nguyên, ndo txiax njis têx nênhs tưz tas txox sia viv têz viv qơư.

Paz côngz xưv số 8 muôx yax 200 đại biểu tuôx ntơưv têx tỉnh, thành phố, cơ quan Trung ương thiaz tsêr luôv hâur hur si têz qơưk. Hâur jias uô hâux lưv, paz côngz xưv tưz muk shuôk, ntuôk tuz lênhv thiaz pêx xênhv nhoz têx por trôngz: Song Tử Tây, Sơn Ca, Nam Yết, Đá Lớn (B), Sinh Tồn, Trường Sa Đông, Trường Sa thiaz Nhà giàn DK1/16 (Phúc Tần). Ntơưv têx qơư muk shuôk, cxuô đại biểu tưz tâu kria pâuz têx hâux lưv uô tâu, pêx xênhv luz nênhx; cán bộ, chiến sĩ ntơưv no puôr lênhx truôx siaz sir jos hla đhâu cêr txov nhêv por hưv truôx njês por trôngz hiar txưr pêz têz qơưk nhoz njias to.

Ndax jias no, paz côngz xưv số 8 tưz krưr ntâu hnaz huv tsiv nhos yax 7,6 tỷ nhiax, hâur ntơư muôx: Ti vi, máy liv đêx, tênhz zôngv điện yar ntux, kar nox, tsưr ziv huôv tsar kôngz lông...Tỉnh Sơn La cux tưz krưr têx hnaz huv muôx txiax njis lok six zov chênhr: Paz 500 triệu nhiax uô 2 luz vax chos jâuz trâu por trôngz, krưr 3 gơưv tênhz zôngv điện yar ntux trâu yênhx kror qơư muk shuôk, 1 tivi trâu luz gox 571 thiaz paz 50 triệu nhiax trâu Lữ đoàn 955. Têx hnaz huv kria pâuz Đảng bộ, nov hâu thiaz pêx xênhv tỉnh Sơn La kror moz siaz paz hluz txos tuz lênhv thiaz pêx xênhz nhoz por trôngz.

Paz côngz xưv cux đros txuv Jias hơưv qix hâur por trôngz Trường Sa. Têx đại biểu tưz hlơưr shaz ndo txiax njias Chủ tịch Hồ Chí Minh, hlơưr shaz trâu têx tsêr mnov nhoz hâur por trôngz, kria pâuz kror njênhs njôngr trâu pêz Têz qơưk.

Têx hâux lưv nthuôr txux chi, haik cưr cxiax, thể dục thể thao thiaz txơưx pâuz por trôngz, hiar txưr tâu kriz đrông ntưk, lov jêv thôngx siaz. Lar haik, hmo nthuôr haik cưr cxiax ntơưv por trôngz Trường Sa tưz tsês trâu ntâu lênhx cêr ndo njôngr tsik plox trâu đruôz siaz, paz bôngs tuz lênhv thiaz pêx xênhv cêr thôngx siaz, siz hluz siz paz. 

Jias muk uô côngz xưv tưz lês tiar cxênhx cxênhv, hâux lưv tso tơưv, nhav nxiak nhaz xênhz, uô trâu ntâu lênhx ndo njôngr tsik plox trâu đruôz siaz, huôv tsar đêz đar đruôz ar phênhv shuôv ndo njôngr, paz hluz txos por trôngz, hiar txưr pêz Têz qơưk.

Yênhx côngz hâur jias muk uô côngz xưv tror nhav nxiak txiax njis njiaz luk  “Trường Sa viv hur si têz qơưk, hur si têz qơưk viv Trường Sa”, paz bôngs tuz lênhv pêx xênhv cêr thôngx siaz, siz hluz siz paz, cxaz nzir đas jos tsưx truôx por trôngz, hiar txưr Têz qơưk nhoz njias to./.