Jâus cơưv muôx têx đồng chí Thường trực Tỉnh ủy; têx đồng chí Ủy viên Ban Thường vụ Tỉnh ủy; thơưx car têx sở, ban, ngành ntơưv tỉnh thiaz thành viên Ban Chox car.

Hâu nhiệm kỳ 2025-2030, Ban Chấp hành Đảng bộ tỉnh tưz tso tơưv têx nghị quyết zov chinhr trâu ntâu zav hâux lưv chia lês trơưk Nghị quyết Đại hội 14 ntơưv Đảng thiaz Nghị quyết Đại hội Đảng bộ tỉnh jâus tiv 16. Hâur ntơư, muôx Nghị quyết số 06-NQ/TU hnuz 30/12/2025 lol sâuv muôz nhiax huôv tsar uô têx cêr yêz, vax tsê chia cxơưz huôv tsar nhiax - xã hội thiaz Nghị quyết số 09-NQ/TU hnuz 30/12/2025 lol sâuv gruô hu tuz luôv muôz nhiax uô nox trâu thax tsav tỉnh ntu 2025 - 2030, đros trâu têx njiaz lul, hâux lưv thiaz tsưr ziv mênhx pêv.

Chia chox car fuô lês jông têx hâux lưv trơưk li oz nghị quyết, hnuz 8/5/2026, Ban Thường vụ Tỉnh ủy tưz tso tơưv Quyết định số 334-QĐ/TU tsa Ban Chox car fuô lês trơưk Nghị quyết số 06-NQ/TU thiaz Nghị quyết số 09-NQ/TU (Ban Chox car 334), zos đồng chí Bí thư Tỉnh ủy uô Thơưx Ban Chox car.

Ntơưv jias cơưv, cxuô thành viên Ban Chox car tưz njuôk xav, saz lax thiaz muôx ndâux lul trâu têx ntâuz ntơưr: Cêr chai uô hâux lưv ntơưv Ban Chox car; Cêr tuôr xav fuô lês trơưk Nghị quyết số 06-NQ/TU thiaz Nghị quyết số 09-NQ/TU; fuô phaiz hâux lưv trâu têx thành viên Ban Chox car. 

Muôx lul ntơưv jias cơưv, đồng chí Hoàng Văn Nghiệm zok trâu Sở Tài chính-Cơ quan Thường trực Ban Chox car sâu cxix cxuô têx ndâux lul ntơưv têx thành viên; cxênhz, uô tiar têx ntâuz ntơưr, gruôv trâu têx thành viên Ban Chox car chia muôx ndâux lul thiaz uô tiar têx njiaz lul trâu hnuz 21/7/2026. Hok cêr tuôr xav zuôr tso tơưv hâur yênhx shông, Cơ quan Thường trực cxênhz yuôx nzir hâux lưv lês tsik tsês cik txos têx dự án muôz nhiax cxiv tsa uô thiaz gruô hu tuz luôv muôz nhiax tuôx uô nox thiaz khov têx cêr chai paz txos. Đồng chí Bí thư Tỉnh ủy cxiz njuôk xav ntâuz ntơưr tsov xav tsuv lês trơưk li Nghị quyết Đại hội đại biểu Đảng bộ tỉnh jâus tiv 16, ntu 2025 – 2030 tuôr xav; Nghị quyết số 06-NQ/TU thiaz Nghị quyết số 09-NQ/TU ntơưv Ban Chấp hành Đảng bộ tỉnh; lar haik mal cêr chai yiaz ntơưv Trung ương, Bộ Chính trị, Ban Bí thư thiaz Chính phủ taz tov chox car cik txos têx dự án thax tsav tỉnh, cik txos hâux lưv muôz nhiax uô cêr yêz thiaz tâu txaik nhiax, tâu paz nhiax zênhx max.