Mường Sại zos luz xã tox siaz, nhoz đêz tỉnh 65 caik cêr. Tas nro xã muôx 18 luz jok, yax 2.000 ziv, yax 9.500 lênhx pêx xênhv, 4 hair nênhs nhoz. Ntu đhâu, xã tưz lês jông cêr siz tưr Tas nro tsôngv pêx xênhv por hưv cêr nhaz xênhz Têz qơưk, cxiv tsa jêx jok, cơ quan, yar cơưv txâuk chai “Nhaz xênhz lus”; gruô hu pêx xênhv zôngs ntov Đảng, Têz qơưk têx cêr chai; cuz siaz lês cxuô cêr siz tưr.

Thôngz xã lês jông hâux lưv tsưx hưv cêr nhaz xênhz cxuô qơư, muôx 115 côngs jêx jok pêx xênhv tưx saiz car, 18 Paz pêx xênhv por hưv cêr nhaz xênhz, 18 Paz nênhs tu plâuz, 1 luz kror trôngx vas yar cơưv nhaz xênhz, 1 paz pêx xênhv tưx tsưx hưv, 1 kror qơư tsêr mor nhaz xênhz-Thax qơư pêx xênhv nhoz nhaz xênhz- Ziv nênhs nox tsâu hnar sor…

Txix thâuv hâu shông txos nhiv no, cxuô paz nênhs tưz siz chos fuô 2 jias chai ntơưv qơư, fuô 7 jias chai tâus cêr trâu cxuô qơư, trâu siaz njo fuô chai đhâu mạng chia por hưv cêr nhaz xênhz; muk fuô 9 lưv chai têz qơưk trâu yax 1.000 lưv lênhx pêx xênhv; 100% jok, yar cơưv chos luk, sir jos zôngs ntov chai “Nhaz xênhz lok sâuv cêr nox nhoz”.

Hâur 8 luz hli đhâu, thôngz thax tsav xã tưz yưv 3 txuz cxâuv cêr chai têz qơưk, tưz zênhx max cxênhz yuôx, tu mênhx trơưk đraiv chai; pêx xênhv kria 6 tsaz xor; gruô hu pêx xênhv gra 2 traz fov zok trâu têz qơưk. Cêr chai chính trị tâu tsưx hưv truôx, cêr nhaz xênhz têz qơưk tâu tsưx hưv jông thiaz cxơưz hâux lưv cxiv tsa jêx jok yiaz.

Ntơưv hnuz nthuôr cêr lov jêv, đồng chí Đặng Ngọc Hậu, Phó Chủ tịch UBPX tỉnh tưz kruôk têx hâux lưv uôk xã Mường Sại lês tâu hâur cêr siz tưr Tas nro tsôngv pêx xênhv por hưv cêr nhaz xênhz Têz qơưk. Đồng chí cxiz xã tror chox car trơưk đraiv cấp ủy Đảng, nov hâu saiz car ntov hâux lưv lês côngz xưv por hưv cêr nhaz xênhz; tror hlôngr yiaz lês hâux lưv siz tưr cov jông, pêx xênhv zos têx nênhs lês cêr siz tưr; nthuôr huôv tas phênhv shuôv uô ntêx nyuôk ntơưv tsôngv Công an thiaz cxiz nênhs por hưv cêr nhaz xênhz cxuô qơư; nthuôr huôv tas đas jos ntơưv MTTQ, têx tổ chức chính trị - xã hội, txir ndâux txir luk, hâu jok, nênhs pêx xênhv njênhs thiaz tsôngv pêx xênhv siz chos tsưx hưv truôx cêr nhaz xênhz; lês ntov phênhv shuôv tsưx hưv cêr nhaz xênhz, huôv tsar nhiax txiax - xã hội, txo cêr pluôs truôx njês, vav mênhx.

Hnuz nthuôr cêr lov jêv, xã Mường Sại tưz kruôk “Jok Nặm Ét tsik muôx zênhz, tsik muôx nênhs cxâuv thiaz têx zav tsik jông”. Ban lês hâux lưv no, muôx 9 lênhx, muôx phênhv shuôv fuô chai, gruô hu pêx zôngs ntov chai têz qơưk; cuz siaz phax tar nênhs cxâuv, phax tar zênhz thiaz têx zav tsik jông.

Ndax jias no, Tỉnh ủy, HĐPX, UBPX, Ủy ban MTTQ Việt Nam tỉnh thiaz Công an tỉnh tưz krưr huv puz 1 kror qơư thiaz 4 paz nênhs, 3 tus khênhx; Công an tỉnh kruôk 1 paz nênhs; UBPX xã Mường Sại kruôk 2 paz nênhs, 7 tus khênhx lês jông hâux lưv hâur cêr siz tưr Tas nro tsôngv pêx xênhv por hưv cêr nhaz xênhz Têz qơưk shông 2026.

Hâur hnuz nthuôr cêr lov jêv tsênhv muôx ntâu txux chi hóa, thể thao; tưr ntâuk bóng, truz hluô, por poz… lok six chôngz cán bộ, chiến sĩ thiaz px tuôx côngv thôngx siaz, shir phaz lus.