Hâur 6 hli hâu shông, Ban hlôngr njêx muôs HĐQT NHCSXH tỉnh tưz uô tiar hâux lưv cxiv tsa tổ chức tov kaz cxiv kho đơn vị uô côngz xưv têz qơưk, cxiv tsa 75 ban hlôngr njêx muôs cấp xã muôx 300 thành viên; chox car Chi nhánh NHCSXH tỉnh thiaz ban hlôngr njêx muôs têx thax tsav fuô lês siz luôs jok têx hâux lưv, tsưr ziv muôz nhiax txaik. Tas 3 luz hli txix luz 4 hli txos luz 6 hli shông 2026, xav hur si pênhr nhiax txaik yax 8.197 tỷ nhiax, tsar 8,4% njuôk li kaz shông 2025; xav hur si chor nhiax txaik tsik tâu thêv yax 8.126 tỷ nhiax, muôx 115.153 ziv nênhs txaik. Hâur 6 hli, chi nhánh tưz muôz nhiax trâu 18.807 tus nênhs txaik, phênhv ntâu nhoz hâur têx hâux lưv muôz nhiax trâu têx ziv pluôs, jê cêr pluôs txaik thiaz huôv tsar kôngz lông, uô lax luôv; paz cxiv puôz zuôr luôs 10.000 luz kror đêx, tsêr đa đêx, tơưv trôngx jêx jok hur si; paz yax 4.000 tus nênhs muôx hâux lưv uô tsik tsês thiaz muôz nhiax txaik zuôr chuôz zênhx zôngv xav hur si yax 38,5 tỷ nhiax. Nhiv no hur si tỉnh muôx 3.640 paz tuôr nhiax thiaz muôz nhiax txaik, hâur ntơư 98,8% paz nênhs tâu công nhav hov txơưx, hov coz.

Đros trâu hâux lưv muôz nhiax txaik, côngz xưv cxênhz yuôx tror tâu fuô lês tsik tsês. Têx tổ chức chính trị - xã hội uô por thơưx tưz cxiv tsa tsưr ziv cxênhz yuôx cias hâu shông. Lar haik hâur 3 luz hli txix luz 4 hli txos luz 6 hli, muôx 201 lưv tổ chức cấp xã cxênhz yuôx 376 lưv paz tuôr nhiax thiaz muôz nhiax txaik, muôx 10.777 ziv nênhs txaik pênhr, paz hlôngr yiaz hâux lưv muôz nhiax txaik. 

Câuk luk jias cơưv, đồng chí Đặng Ngọc Hậu cxiz cov Ban hlôngr njêx muôs HĐQT NHCSXH tỉnh, Chi nhánh NHCSXH tỉnh thiaz têx sở, ngành, thax tsav tror hlôngr yiaz hâux lưv muôz nhiax txaik; tưx tso tơưv tsưr ziv saz lax kênh nhiax pênhr zênhx max; tsov xav cxaz nzir nhiax zôngv thax tsav uô por thơưx đhâu NHCSXH; kriz đar tiz nênhs tâu txaik nhiax đhâu têx hâux lưv muôz nhiax txaik fiv huv luz nênhx.

Đồng chí zok trâu Sở Tài chính tsov xav, saz lax nhiax pênhr zuôr tâu xa uô por thơưx đhâu NHCSXH; đros Chi nhánh NHCSXH tỉnh cơưv shâuv têx thax tsav tsưr ziv muôz nhiax txaik. Sở Nội vụ zênhx max kria pâuz cxiv tsa tổ chức tsik tâu muôx, cxiz njôngr xã Tô Múa uô tiar hâux lưv cxiv tsa Ban hlôngr njêx muôs HĐQT. Chi nhánh NHCSXH tỉnh tror cxênhz yuôx, cxiv tsa têx paz tuôr nhiax thiaz muôz nhiax txaik tov kaz cxiv kho tổ, jok; đros têx thax tsav tsik so fuô kria mênhx pêv cêr chai txaik nhiax pênhr, paz pêx xênhv tâu txaik nhiax pênhr thêv tsav liv tsơưs zôngx ziv./.