Jias siz thav no muôx chôngz lênhx chuyên gia, tsưr khoa học thiaz đại biểu nhoz hâur 30 yar cơưv ntơưv Hiệp hội ATEC, đros trâu têx yar cơưv đại học, cao đẳng hâur thax tsav tỉnh thiaz têx thax tsav txơưr. Njiaz luk hâur jias siz thav zos moz siaz saz lax, tso tơưv têx tsưr ziv cxơưz paz hlôngr pâur số thiaz sir zộng AI lok choz kria ntơưr, iz hâur têx faz tsưr ziv zov chênhr hâur ntu nênhx yiaz nhiv no. Ban tổ chức Jias siz thav tưz nhav tâu 15 jax sâu ntơưv têx yar cơưv hâur Hiệp hội têx yar cơưv Trung cấp, Cao đẳng kinh tế kỹ thuật thiaz têx đơn vị txơưr. 

Têx jax sâu tâu phaiz uô oz faz: Têx jax sâu kria pâuz lok sâuv hâux lưv saiz car yar cơưv, sir zôngv AI thiaz têx jax sâu lok sâuv fuô lês hâux lưv trâu têx nênhs cơưv. Zov chênhr li: "Tsưr ziv cxiv tsa yar cơưv số ntơưv yar cơưv Cao đẳng Sơn La"; “Hlôngr pâur số thiaz sir zôngv AI - Qơư chuôz jos zov chênhr hlôngr yiaz tsưr ziv choz kria ntơưr hâur yar cơưv Trung cấp nghề Cơ Khí I Hà Nội”; "Muôz tsưr ziv yiaz lok choz kria ntơưr - Têx zav zôngx ziv, phiv liv thiaz tsưr ziv fuô lês hâux lưv"...

Jias siz thav “Hlôngr pâur số thiaz sir zôngv tsưr ziv yiaz lok choz kria ntơưr” tsik zos kria mênhx hâux lưv uô ntêx lông lês hâux lưv ntơưv yar cơưv Cao đẳng Sơn La xưz, mak tsênhv kriz đar têx cêr siz khov, huôv tsar truôx njês txix li têx yar cơưv hâur hur si têz qơưk. Txix li têx cêr siz thav hâur jias no, chia siaz zuôr muôx ntâu zav hlôngr yiaz, cxơưz paz fiv huv trâu hâux lưv huôv tsar nhiax txiax - xã hội hâur ntu nênhx yiaz.