Tâu piz uô txix Hnuz grâuv pax txux chi Hmôngz, cxênhx xưv zênhv hnuz zênhv huôv tsar yênhx Hnuz grâuv pax txux chi cxuô hair nênhs huyện Mộc Châu. Shông 2025, fuô lês tsưr ziv nov hâu thax tsav 2 cấp, phường Mộc Sơn tưz chox car, đros cxuô xã, phường: Mộc Châu, Thảo Nguyên, Vân Sơn, Lóng Sập, Chiềng Sơn, Đoàn Kết, Tân Yên thiaz têx sở, ngành tror siz chos txuôs jông kriz cxênhx xưv đros ntâu xã, phường têx hâux lưv, nhav nxias kror tưx tsov xav tsưr ziv uô, muôx ntâu hlôngr yiaz ntơưv têx qơư uô côngz xưv têz qơưk cơ sở hâur txuôs jông, huôv tsar thax ar lax trôngz Mộc Châu txux chi cênhz cưv jông.  

Shông no, UBPX tỉnh Sơn La tưz tso tơưv cêr chai kriz Tuần Txux chi - Nuôv zax Mộc Châu shông 2026 đros trâu tsưr ziv cấp tỉnh, tâu kriz txix hnuz 27/8 txos hnuz xiaz 5/9. Ntơư zos hâux lưv muôx txiax njis lok six zov chênhr fuô lês Shông Nuôv zax Têz qơưk 2026, uô trơưk mênhx pêv têx nghị quyết, tsov xav ntơưv Trung ương thiaz ntơưv tỉnh lok sâuv huôv tsar txux chi, tiz nênhs, cxiv tsa nuôv zax yênhx ngành nhiax txiax zov chênhr, cxơưz huôv tsar nhiax txiax- xã hội truôx njês.

Pos Hoàng Thị Đôi, Giám đốc Sở Txux chi, Thể thao thiaz Nuôv zax, kria pâuz: Sở tưz saz lax, cxiv tsa tsưr ziv kriz Tuần Txux chi - Nuôv zax Mộc Châu shông 2026 trơưk txuôs jông cênhz cưv hâur cxênhx xưv trơưk chaix thiaz hlôngr yiaz tsưr ziv kriz, nthuôr têx hâux lưv zov chênhr thiaz cxênhx xưv txơưr chia muôx ntâu lênhx pâuz txos tuôx ndis shuôk. Pêz xar thav jax đaz nênhs nuôv zax Mộc Châu jông yax, txuôk thiaz kria pâuz đêz đar đuôz Thax tsav nuôv zax têz qơưk Mộc Châu thiaz Sơn La jông trâu cxuô kror qơư hâur têz qơưk, ntiax têz côngv pâuz. 

Kriz thôngz plơưk ntơưv Thax tsav nuôv zax têz qơưk Mộc Châu, Tuần Txux chi - Nuôv zax shông 2026 zuôr nthuôr ntâu hâux lưv txux chi, thể thao, nuôv zax thiaz cêr lax luôv, pax gruô hu chôngz pêx xênhv, kruô nuôv zax tuôx ndis shuôk. Uô ntêx zos Jias gruô hu cêr sik tưr "Hur si pêx xênhv côngv cxiv tsa Thax tsav nuôv zax têz qơưk Mộc Châu Njuôz - Hur - Jông jav - Vav mênhx", huôv tsar jêx jok cêr xar, uô tiar phênhv shuôv hâur cxiv tsa đuôz qơư nuôv zax jông. Txuôk nzir zos têx cxiax cxênhv cik txos txux chi, li: Hmo grâuv pax Pax ntâuz ntiax têz đros trâu njiaz luk "Txuôs jông thiaz huôv tsar txux chi muôx ntâu xiv" thiaz Cxiax cxênhv Haik cưr cxiax “Mộc Châu - Suôz hu hâur chaix hluz”. Đros ntơư tsênhv muôx têx hâux lưv txơưr cik txos, li: Tưr tsa tsêr ntâuz nthuôr txux chi jông, jâuz mor hair nênhs tsơưs kaz, jêx jok têx txux chi jông, cêr uô si pêx xênhv tênhx tus; cxuô hâux lưv txux chi, thể thao thiaz Kriz ciaz tox siaz ntơưv Trôngx lôngs ntiax têz Lóng Sập; Kriz ciaz nthuôr muôs huv kôngz txir nox thiaz tsiax đêx; têx cêr ndis shuôk qơư nuôv zax jông... gra tuôx trâu lax trôngz hnuz grâuv pax muôx ntâu xiv txux chi jông lov jêv, đrông ntưk.

Cxênhx xưv shông 2026 cux zuôr kriz têx hâux lưv zov chênhr li côngv uô cê por poz, kria pâuz Hmôngz txux chi jông hâur hnuz grâuv pax muôx yax 300 cưk haik cưr cxiax, sênhr chêr jêx jok. Đros ntơư, tsênhv kriz Suôx câuv jias tưr Gâux njuôz Ngân hà Việt Nam 2026 (Miss Galaxy Vietnam) tâu kriz trâu 8 six tsâus ntux hnuz xiaz 5/9, đros trâu njiaz luk “Women of The Future - Pox niav cxiv tsa ntu nênhx tov kaz tâu jông” - jias tưr gâux njuôz jông gâux muôx txux chi, txơưx njê thiaz pâuz sir zôngv chuôz zênhx jông, sir jos cxiv tsa đuôz pox niav hlôngr yiaz tsik zos jông gâux xưz mak tsênhv txơưx njê, hlôngr yiaz muôx phaz nzưr thiaz fiv huv ntu hlôngr pâur số, chia siaz zuôr gruô hu hur si pêx xênhv thiaz kruô nuôv zax tuôx saiz. 

Côngz xưv bax trâu Tuần Txux chi - Nuôv zax Mộc Châu taz tov tâu zênhx max uô tiar. Zơưs Đỗ Trí Dũng, Phó Chủ tịch UBPX phường Mộc Châu, haik tiak: Zos trung tâm kriz cxênhx xưv zov chênhr hâur Hmo grâuv pax Pax ntâuz ntiax têz thiaz Suôx câuv jias tưr Miss Galaxy Vietnam 2026, phường tưz tưx cxiv tsa tsưr ziv cxênhz yuôx hur si têx yar tiax kriz tưr, cxiv tsa mênhx pêv tsưr ziv phaiz cêr muk lok, tsưx truôx thax tsav nhoz njias to thiaz por hưv đêx ar huôz chuô nyiaz hur. Pêz cux chox car têx tsêr so, tsêr kruô, tsêr thaz nzưr hlôngr yiaz tsưr ziv uô lax luôv, chos luk rais mênhx pêv gri nhiax chia paz tâu zênhx max têx kruô nuôv zax cêr txâuk siaz.

Đros trâu bax txưv vax tsêr, chuôz zênhx uz no, côngz xưv bax tsôngv nênhs fuô lês têx hâux lưv txux chi jêx jok cux tâu têx thax tsav moz siaz txos. Pos Zax Xênhv Tsaz, Thơưx Phòng Txux chi - Xã hội phường Mộc Sơn, kria pâuz: Phường tưz cxiv tsa têx paz nênhs, gruô hu yax 200 lênhx zos têx cưk haik cưr cxiax, sênhr chêr jêx jok đros têx cán bộ, chiến sĩ tsôngv vũ trang siz chos tsik tsês cơưv shâuv chia paz trâu cxênhx xưv.

Tâu kror uô jông bax, tưx tsov xav tsưr ziv lês ntơưv têx thax tsav, Tuần Txux chi - Nuôv zax Mộc Châu 2026 chia siaz zuôr yênhx kror qơư nthuôr txux chi, nuôv zax jông, gruô hu chôngz kruô đêz jê pâuz txos tuôx shuôk thiaz nuôv zax, paz huôv tsar đêz đar pêx xênhv cxuô hair nênhs txux chi jông kror muôx gri, kria cxuô kror qơư pâuz lax trôngz têx đuôz jông, iz phênhv tưs nhav nxias côngz bê “Mộc Châu - Qơư muôx tox trôngz hâur pêk jông yax hlo ntiax têz".