“Hâux lưv lês txix đruôz siaz - Chuôz đas jos lox - Piz uô nox cxiv tsa têz qơưk trâu 30 triệu lênhx hluôk Việt” zos Tập đoàn Trung Nguyên Legend piz lês txix shông 2012 thiaz fuô lês tsik so hâur 14 shông siz lơưr lias chia thôngz têz qơưk sơưr đơưk zuôr siz chos côngv paz tâu yênhx châuv triệu fâu ntơưr muôx txiax njis thiaz thơưx 5 fâu ntơưr hlôngr yiaz hâur cêr uô nênhx: Piz xar tơưv tsưr ziv uô nox, Puôz tiz cêr txơưx njê, thôngz têz qơưk piz uô nox uô hâuk, Đắc nhân tâm, Tsik sưz iz jâus hlo - Cxuô tsar zav puôr lênhx tâu sir jos thiax uô tâu.

Ntơưv jias uô hâux lưv no, têx shâuv xênhz tưz tâu mnôngs Tiến sĩ Trần Hữu Đức, Giám đốc Choz kria Tập đoàn Trung Nguyên Legend kria tsưr ziv piar têx hâux lưv trơưk njiaz luk “Uô chak cov yênhx côngz”.

Jias uô hâux lưv no, tsênhv siz chos saz lax, piar kria têx tsưr ziv jông chia piz uô nox, têx hâux lưv tưz uô tâu yênhx côngz thiaz txux chi nhênhv ntơưr, muôx têx nênhs kria, li: Miss Universe Việt Nam 2023 Bùi Quỳnh Hoa, Gâux Njuôz Thể thao Việt Nam 2022 Đoàn Thu Thủy, cưk txux Minh Trang, ca sĩ Hoàng Yến Chibi. Têx kruô tâu chơư tuôx côngv thiaz shâuv xênhz tưz siz chos saz lax ntâu txiax njis, siz kria tsưr ziv uô nox, nus thiaz têz têx khơư luk cik txos têx hâux lưv sir jos hla đhâu cêr phiv liv uô tâu yênhx côngz. Shâuv xênhz tsênhv tâu têx nênhs muôx côngz cir bê puz ntơưr, tâu hâuk cà phê đơưz ntơưv Tập đoàn Trung Nguyên.

Tuôx txos Yar cơưv Đại học Tây Bắc lês luôs “Hâux lưv txix cias đruôz siaz” tưz tâu puz 1000 fâu ntơưr trâu shâuv xênhz thiaz Trung tâm Thông tin - Thư viện Yar cơưv; puz nhiax paz shâuv xênhz gruôs cơưv shâuv, txơưx njuôk tsov khoa học thiaz lês ntâu luôs hâux lưv jông.