Nhiv no, hur si tỉnh muôx yax 4.900 tsêr luôv, chi nhánh, văn phòng hlôngr njêx muôs taz tov uô nox muôx kaz hâu paz 60.295 tus tiz nênhs muôx hâux lưv uô tsik tsês; txuôs jông 835 hợp tác xã thiaz 6 liên hiệp hợp tác xã, muôx yax 9.500 tus nênhs taz tov huôv tsar kôngz lông, uô lax luôv. Ntu đhâu, côngz xưv por hưv qơư uô hâux lưv đu lus, hur si thiaz nhaz xênhz, tiz nênhs hâur thax tsav hur si tỉnh luz nênhx tâu jông, muôx đas jos thiaz vax huôv tâu moz siaz lês muôx kaz hâu; tsêr luôv phênhv shuôv iz phênhv tưs muôx ntâu hlôngr yiaz; cxuô cấp công đoàn tưz cxơưz vax huôv hlôngr njêx muôs, por hưv tiz nênhs uô nuv vax huôv thiaz cêr muôx liv fiv huv, paz công nhân muôx luz nênhx txov nhêv hla đhâu cêr phiv liv hâur luz nênhx. 

Hli fuô lês por hưv qơư uô hâux lưv đu lus, hur si thiaz nhaz xênhz shông 2026 (txix hnuz xiaz 1/5 txos 31/5) tâu gruô hu đros trâu njiaz luk “Hlôngr yiaz saiz car thiaz côngz xưv por hưv qơư uô hâux lưv đu lus, hur si thiaz nhaz xênhz hâur ntu hlôngr pâur số muôx kaz hâu”. UBPX tỉnh gruô hu cxuô cấp, ngành, ntâu tsêr luôv thiaz hur si tiz nênhs uô nuv hâur thax tsav tỉnh cxơưz kror uô tiar phênhv shuôv côngv têk fuô lês, saiz côngz xưv por hưv qơư uô hâux lưv đu lus, hur si thiaz nhaz xênhz zos luôs hâux lưv uô tsik tsês hâur yênhx hnuz, ntêr shông, paz por hưv jông tiz nênhs uô nuv muôx đas jos, huôv tsar kôngz lông uô lax luôv truôx njês, cxơưz huôv tsar nhiax txiax- xã hội ntơưv tỉnh.

Fuô lês Hli Công nhân shông 2026 đros trâu njiaz luk “Công nhân Việt Nam: Hlôngr yiaz muôx phaz nzưr, uô tâu hâux lưv muôx kaz hâu", cxuô cấp công đoàn hâur hur si tỉnh uô trơưk cias txix hâu luz 5 hli; siz chos nthuôr têx hâux lưv “Uô tiz nênhs uô nuv tsâus ntâu”; lês jông côngz xưv por pưv đoàn viên, tiz nênhs uô nuv luz nênhx hlôngr yiaz; tsik so đros tiz nênhs uô nuv thav, saz lax, uô jông mnôngs cêr xar chia siaz, paz cxiv tsa kror qơư uô hâux lưv fiv huv, truôx njês, hlôngr yiaz hâur tsêr luôv.

Fuô luk hâur jias gruô hu, đồng chí Nguyễn Minh Tiến, Phó Chủ tịch UBPX tỉnh, haik mênhx: Tỉnh Sơn La tsov xav, saiz tiz nênhs uô nuv lok six zov chênhr - saiz hlôngr pâur số zos chuôz zênhx- saiz tưx phax tar zos tsưr ziv thiaz saiz lês nuv muôx kaz hâu chia công nhav uô tâu thiaz tsik tâu hâux lưv. Ntơư zos kror taix nus, ho tsênhv zos jias chia tỉnh Sơn La tror hlôngr yiaz hur si côngz xưv por hưv qơư uô hâux lưv đu lus, hur si thiaz nhaz xênhz trơưk faz hlôngr yiaz, tưx sir zôngv chuôz zênhx số trâu hâux lưv saiz car kror mas ruôr hiav; đros ntơư, tsênhv por hưv tiz nênhs uô nuv luz nênhx tâu jông, muôx hâux lưv uô tsik tsês thiaz tâu cơưv shâuv tsưr ziv yiaz. Đros ntơư cxiz cov cxuô sở, ban, ngành, thax tsav, cơ quan, đơn vị tror fuô lês ntov nti, muôx kaz hâu têx cêr chai ntơưv Đảng, Têz qơưk lok sâuv por hưv qơư uô hâux lưv đu lus, hur si thiaz nhaz xênhz; por hưv tiz nênhs uô nuv vax huôv thiaz cêr muôx liv fiv huv. Cxiz cov công nhân, tiz nênhs uô nuv tưx hlôngr yiaz cêr xar fuô lês ntov nti cêr chai, cxênhx cxênhv por hưv tiz nênhs uô hâux lưv nhaz xênhz; moz siaz cơưv shâuv, hlôngr yiaz tsưr ziv uô hâux lưv yiaz nhaz xênhz; tsik tsês lês muôx kaz hâu cêr sik tưr uô hâux lưv coz, muôx phaz nzưr, cxơưz cxiv tsa qơư uô hâux lưv muôx txux chi.

Ntơưv jias gruô hu tưz kriz txox chai nias luz poz Gruô hu Hli fuô lês por hưv qơư uô hâux lưv đu lus, hur si, nhaz xênhz thiaz Hli Công nhân shông 2026; sâu bê chos luk fuô lês côngz xưv por hưv qơư uô hâux lưv đu lus, hur si, nhaz xênhz thiaz tiz nênhs uô nuv luz nênhx tâu jông.

Ndax jias no, UBPX tỉnh tưz puz ntơưr kruôk trâu 5 paz pơưs, 1 tus khênhx lês jông côngz xưv nhaz xênhz, đu lus, hur si shông 2025. Liên đoàn Lao động tỉnh paz cxiv kho, uô yiaz 5 luz tsêr Sor siaz Công đoàn, tsiv nhos 230 triệu nhiax; krưr 30 hnaz huv, tsiv nhos 75 triệu nhiax trâu 30 đoàn viên, tiz nênhs uô nuv muôx luz nênhx txov nhêv.