Txuv cxiax cxênhv muôx têx đồng chí: Hoàng Văn Nghiệm, Ủy viên Ban Chấp hành Trung ương Đảng, Bí thư Tỉnh ủy, Thơưx Paz ĐBQH tỉnh; Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh; Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh Sơn La; đros nênhs hlôngr têx sở, ngành, thơưx car xã Xuân Nha, xã Chiềng Sơn thiaz pêx xênhv thax tsav.

Ntơưv jâus no, Ban Chỉ huy Tuz lênhv đriv têz tỉnh tưz tso luk siz tưr chos ntông chia ndo txiax njis thiaz lês trơưk têx luk kria ntơưv Hlox Hôx hmor yuô. Têx nuv muôx txiax njis por hưv tox trôngz hâur pêk nyiaz hur, đros đraiv cêr xav huôv tsar nhiax txiax, cxuz cêr yaiz, txo cêr pluôs thiaz haik tsênhz vax huôv njias to đriv têz têz qơưk.

Hâur jâus no, đơn vị tưz fuô lês 3 kror qơư “Vax ntông Macca” ntơưv têx xã Xuân Nha, Mường Lạn thiaz Mường Lèo đros xav hur si 3.000 tus zuz ntông zos Tỉnh ủy thiaz Hiệp hội Macca Sơn La paz txos. Cias ntơưv jok Thẳm Tôn, tưz chos 1.500 tus ntông macca trâu thax tsav 1,5 ha. Ntơưv no zos qơư chos siv lok sâuv cêr xav thiaz tsưr ziv tu saiz, paz cán bộ, chiến sĩ đros pêx xênhv thax tsav saiz, cơưv shâuv thiaz chos muk đêz đar.

Fuô lês têx vax chos ntông macca ntơưv 3 xã đriv têz: Xuân Nha, Mường Lèo thiaz Mường Lạn khov vav zuôr chuôz jos chia pêx xênhv nhoz đriv têz hlôngr cêr chos ntông, tos txos huôv vav nhiax txiax truôx njês thiaz paz kho nzir cêr por hưv đriv têz ntơưv hur si pêx xênhv truôx khor.