Jias no muôx đồng chí Nguyễn Minh Tiến, Phó Chủ tịch UBPX tỉnh; pos Francesca Bellone, Tham tán, Thơưx Ban siz khov huôv tsar, Đại sứ quán Canada ntơưv Việt Nam; nênhs hlôngr njêx muôs iz cxia sở, ban, ngành, thax tsav cik txos.

Dự án C4G zos Chính phủ Canada thiaz tổ chức CARE siz chos paz, xav hur si muôx yax 16,4 tỷ nhiax (pênhr nhiax paz tsik thêv tror kaz). Fuô lês dự án, UBPX tỉnh Sơn La tưz tso tơưv Quyết định số 1910/QĐ-UBPX hnuz 31/7/2025 tso chai muôz nhiax paz fuô lês dự án, tâu cxiv kho cxaz nzir trơưk Quyết định số 32/QĐ-UBPX hnuz xiaz 6/1/2026.

Dự án tâu fuô lês hâur 33 luz hli, tas luz 3 hli shông 2028, ntơưv têx xã: Mường La, Chiềng Lao, Mường Bú, Chiềng Hoa thiaz Ngọc Chiến đros trâu tsưr ziv hlôngr yiaz tsưr ziv txơưx uô hâux lưv hâur têx nênhs đros tỉnh siz chos lês uô ntêx hâux lưv fiv huv, grêk tsơưs đêx ar huôz chuô txơưr txar cêr ruôr hiav, đhâu por hưv huôv tsar har jôngr. Đros ntơư, cxơưz têx cêr chai nhiax txiax muôx liv, hâur ntơư muôx tín chỉ carbon, đros têx cêr chai zaz zâuv kror fuô lês ntơưv tsêr luôv, jêx jok.

Trơưk tsov xav, dự án sir jos uô cov tâu 3 hâux lưv zov chênhr: Kria pâuz têx hâux lưv uô tâu hâur cxênhz yuôx thiaz zos chênhv chưr cêr txơưx fiv paz trâu hâux lưv cxiv tsa tsưr ziv por hưv, huôv tsar jôngr, hâur ntơư muôx huôv tsar tín chỉ carbon jôngr, paz Sơn La fuô lês têx chos luk grêk tsơưs đêx ar huôz chuô cêr txơưv txar kror ruôr hiav thiaz huôv tsar truôx njês; hlôngr yiaz tsưr ziv gruô hu pênhr nhiax truôx njês trâu por hưv, huôv tsar jôngr đros cxuz cêr yaiz pluôs; tsik tsês kria pâuz, saz lax xor mông, têx kror cơưv tâu chia piz uô nox thiaz gruô hu muôx kaz hâu nhiax pênhr trâu huôv tsar har jôngr truôx njês. 

Ntơưv cxênhx xưv, têx đại biểu tưz saz lax lok sâuv cêr chai uô lax luôv carbon Việt Nam hâur hâux lưv huôv tsar har jôngr; tsov xav, siz tưr thâuv uô luôv carbon jôngr; đhâu hâux lưv cxênhz tâu ntơưv têx thax tsav huôv tsar dự án carbon jôngr ntơưv Sơn La; đros ntơư kria pâuz tsưr ziv ntiax têz hâur cxiv tsa, fuô lês têx dự án carbon.

Nênhs hlôngr njêx muôs Đại sứ quán Canada thiaz Tổ chức CARE ntơưv Việt Nam cxênhz đuô har jôngr đêz đar, xav hur si têx thax tsav por hưv hâu đêx zov chênhr nhoz thax tsav Tây Bắc, tỉnh Sơn La muôx ntâu xênhz txơưv muôx liv hâur txuôs jông carbon. Đros ntơư, nhav nxiak chos luk đros tỉnh cxiv tsa tsưr ziv, txuôs ntâu nhiax pênhr thiaz kria pâuz tsưr ziv ntiax têz chia huôv tsar cêr lax luôv carbon mênhx pêv, muôx kaz hâu. Hâux lưv piz lês dự án muôx txiax njis lok six zov chênhr, paz uô tiar ndâux luk chos grêk tsơưk phát thải ròng txos “0” trâu shông 2050 ntơưv Việt Nam; hlôngr yiaz tsưr ziv saiz car, por hưv jôngr thiaz iz phênhv tưs cxiv tsa cêr lax luôv các-bon jôngr ntơưv Sơn La.

Fuô luk ntơưv cxênhx xưv, đồng chí Nguyễn Minh Tiến, Phó Chủ tịch UBPX tỉnh uô Chính phủ Canada, Đại sứ quán Canada ntơưv Việt Nam thiaz Tổ chức CARE tsâus ntâu tưz paz tỉnh hâur ntu huôv tsar. Đhâu dự án, tỉnh zuôr cxaz nzir kror txơưx fiv, tsưr ziv yiaz chia fuô lês têx tsưr ziv grêk tsơưs đêx ar huôz chuô txơưr txar cêr ruôr hiav, huôv tsar cêr lax luôv carbon jôngr thiaz gruô hu nhiax txiax truôx njês trâu côngz xưv por hưv thiaz huôv tsar jôngr.

Đồng chí cxiz cov cxuô sở, ngành, thax tsav thiaz têx đơn vị cik txos tsik tsês siz chos fuô lês ntov nti hâur ntu fuô lês dự án; tsik so fuô lês côngz xưv fuô kria chia pêx xênhv pâuz mênhx phênhv shuôv thiaz moz siaz por hưv jôngr; nhav nxiak fuô lês txơưx fiv, ndax ndênhk mênhx pêv thiaz muôx kaz hâu hâur ntu uô dự án thiaz saiz car ntâu zav nhiax pênhr; cxiv tsa Sơn La yênhx thax tsav uô ntêx lông hâur huôv tsar cêr lax luôv carbon jôngr ntơưv Việt Nam.