Cxênhz yuôx tas nro cxuô jêx jok, kôngz lông shông 2025 trơưk Quyết định 484/QĐ-TTg Hnuz xiaz 7/6/2024 ntơưv Thủ tướng Chính phủ, cov pâuz mênhx tas nro têx kôngz lông, shôngz ntông, tsiax đêx thiaz pêx xênhv nhoz cxuô jêx jok, chia cov zôngx ziv njuôk tsov, huôv tsar thiaz yôngv pêx xênhv luz nênhx cov tâu jông.

Thôngz tỉnh Sơn La, tưz cxênhz tas nro 206.183 ziv pêx xênhv nhoz cxuô jêx jok; 17.708 ziv uô kôngz lông, zus tsiax đêx nhoz têx đrôngs; 259 luz yar tsiax cxu; 56 luz tsêr luôv; 62 hợp tác xã thiaz 75 xã, phường. Têx hâux lưv cxênhz tâu, pov uô kaz 10 shông, ntơưv têx jêx jok thôngz tỉnh muôx ntâu hlôngr yiaz. Cêr, vax tsê nhiax txiax - xã hội tâu cxưx nhiax uô jông siz luôs; 100% xã muôx điện têz qơưk, yax 97% jok muôx cêr yêz ô tô muk txos đruôz xã. Têx yar cơưv, tsêr kho moz tâu uô khor kho; muôx tsêr nthuôr txux chi, muôx xor tôngx kriz tâu cxuô tsar zav; muôx đêx hur sir zôngv, tsưx hưv tâu cêr nyiaz hur. Nhiax txiax jêx jok muôx ntâu hlôngr yiaz; txo tỷ tsôngv ziv pêx xênhv uô kôngz lông grik, tsar ziv pêx xênhv uô hâux lưv công nghiệp, cxiv puôz thiaz lax luôv. Nhiax txiax ntơưv têx qơư uô nox đar, tsêr luôv, hợp tác xã huôv tsar, iz thênhv jux juk zôngv khoa học công nghệ paz max tsar ntâu.

Ntơưv jias uô hâux lưv, đồng chí Nguyễn Thành Công tưz kruôk têx hâux lưv uôk ban chox car cxuô cấp sir jos lês tas phênhv shuôv, cxênhz tâu zênhx max, tsênhz mênhx thiaz nhaz xênhz. Tas nro têx hâux lưv cxênhz tâu lok sâuv cxuô jêx jok, kôngz lông shông 2025 lok six muôx txiax njis, zuôr tsar cov cxix cxuô đuô têx ntâuz ntơưr têz qơưk, paz cov phênhz mênhx thiaz zôngx ziv njuôk tsov cxiv tsa cêr chai têz qơưk chia huôv tsar nhiax txiax - xã hội ntơưv tỉnh trâu ntu zuôr txos. Đồng chí cxiz cxuô sở, ngành, cxuô qơư tror siz chos đros cơ quan cxênhz yuôx uô cov tiar têx ntâuz ntơưr cxaz nzir cov cxix cxuô, jông siz luôs jok; iz chas ntơư cux uô jông hâux lưv sir zôngv têx ntơưr têz qơưk ntơưv tỉnh. Đhâu no, paz zôngx ziv trâu hâux lưv sir zôngv têx ntâuz ntơưr cxênhz yuôx, paz tâu zênhx max trâu côngz xưv chox car, tuôr xav cêr huôv tsar nhiax txiax - xã hội.

Ndax no, UBPX tỉnh tưz kruôk 2 paz nênhs, 6 tus khênhx; Thống kê tỉnh Sơn La kruôk 17 paz nênhs, 201 tus khênhx lês hâux lưv jông hâur ntu cxênhz yuôx tas nro cxuô jêx jok, kôngz lông shông 2025.