Ntơưv jâus Cơưv, tưz fuô Quyết định số 2079/QĐ-UBPX, hnuz 9/8/2026 txos cêr taz nhav zơưs Đinh Trung Dũng, Bí thư Đảng ủy, Chủ tịch HĐPX xã Quỳnh Nhai, nhav uô côngz ntơưv Sở Tài chính, tsa uô Giám đốc Sở Tài chính; hnuz nhôngs uô 5 shông, xav cias hnuz 10/8/2026.

Choz quyết định thiaz fuô luk ntơưv jâus Cơưv, đồng chí Nguyễn Đình Việt phôngv côngz đồng chí Đinh Trung Dũng tâu txiz, tsa uô nuv côngz xưv yiaz. Cov đồng chí sai tok chuôs hâux lưv, huôv nzir pênhr xưv, tsưr ziv côngz xưv; ndo njôngr tsov xav cêr chai, hâux lưv ntơưv ngành, faz tâu phaiz nuv, đros hur si thơưx car cơ quan thôngx siaz, thôngz luk, yôngv siaz cêr saz lax, kriz lês muôx liv têx hâux lưv tâu zok, paz max tsênhz mênhx trâu xưv cxênhx huôv tsar ntơưv tỉnh hâur ntu zuôr txos.

 Shênhr luk nhav nuv, đồng chí Đinh Trung Dũng tưz uô tsâus txos cêr moz siaz, njênhs njôngr ntơưv Ban Thường vụ Tỉnh ủy, UBPX tỉnh. Đồng chí haik tsênhz zuôr zênhx max yuôx cov pâuz nuv uô, truôx njês kriz lês thiaz chok nxiak đas nuv tâu fuô lês tsik tu, tsik chia đrus cêr chox car, kho lês; tror sir jos cơưv shâuv, huôv nzir phênhv shuôv, thôngx siaz đros hur si thơưx car, công chức Sở Tài chính uô tiar hâux lưv tâu zok, paz max fiv huv cêr khov huôv tsar ntơưv tỉnh hâur ntu nênhx yiaz. Côngv uô hâux lưv tsênhz mênhx, zuôr pêx xênhv thiaz tsêr luôv uô đruôz qơư paz max. Lar haik moz siaz txos cơ sở, đros đraiv kria cơ sở đơưk cêr chor nhov cik txos nhiax txiax, chuôz tav têz qơư thiaz cxiv tsa huôv tsar.