Jias cơưv muôx têx đồng chí: Đào Tài Tuệ, Ủy viên Ban Thường vụ Tỉnh ủy, Giám đốc Sở Cxiv puôz; Nguyễn Thành Công, Phó Chủ tịch UBPX tỉnh; thơưx car têx sở, ngành ntơưv tỉnh; hlôngr njêx muôs thơưx car têx công ty, tsêr luôv hâur tỉnh thiaz oz chas tỉnh.

Trơưk Quyết định số 768/QĐ-TTg hnuz 15/4/2025 ntơưv Thủ tướng Chính phủ tso chai Kho đuô Cêr tuôr xav điện VIII thiaz Quyết định số 586/QĐ-UBPX hnuz 27/2/2026 ntơưv UBPX tỉnh tso chai kho đuô Cêr tuôr xav điện tỉnh ntu txos shông 2030, tỉnh Sơn La tâu phaiz huôv tsar nzir 6.273,2 MW txix li têx tênhz điện, muôx: Pak đêx tênhz điện zâu 630,2 MW; điện chuô 980 MW (11 dự án); điện yar ntux uô cê muôx 3.674 MW (35 dự án), hâu ntơư 3.315 MW (23 dự án); điện yar ntux sâuv trur tsêr 50 MW; pak đêx tênhz điện tích năng 900 MW (Đông Phù Yên); điện sinh khối, điện khâuz nhaz 39 MW.

Hâur ntu 2031 - 2035, tỉnh tâu phaiz nzir 2.571,2 MW, hâu ntơư muôx têx dự án điện yar ntux ntơưv pak đêx tênhz điện Sơn La (1.050 MW), pak đêx tênhz điện kriz đar (300 MW), tênhz điện Sơn La kriz đar 800 MW thiaz Huội Quảng kriz đar 260 MW.

Txos nhiv no, đhâu cxênhz yuôx hâux lưv huôv tsar điện, haik txos têx tênhz điện zâu, hur si tuôr xav muôx 122 dự án, hâu ntơư: 57 pak đêx tênhz điện; 13 dự án tâu muôz cêr chai lês hâux lưv, taz tov cxiv puôz (iz cxia dự án taz tov thor tsưr ziv chia piz lês hâux lưv); 23 dự án taz tov khov chia lês tiar ntâuz ntơưr muôz nhiax lês hâux lưv; têx dự án txơưr tsik tâu muôx ntâuz ntơưr khov chia lês nuv.

Haik txos điện yar ntux cxiv puôz uô cê muôx 23 dự án. Hâu ntơư: 10 dự án tưz muôx ntâuz ntơưr khov; têx dự án txơưr taz tov kho đuô, cxaz nzir ntâuz ntơưr; 13 dự án tsik tâu nhav ntâuz ntơưr khov. Haik txos điện chuô, hur si dự án tâu tuôr xav mak 11 dự án; tưz nhav 9 báo cáo cxênhz yuôx chuô; 2 dự án tsưr cxưx nhiax tsik tâu xa têx zav cxênhz tâu tuôx (Điện chuô Tây Phù Yên; Điện chuô Bắc Yên 1); 4 dự án xa ntâuz ntơưr khov; 5 dự án tsik tâu muôx ntâuz ntơưr khov.)

Hâur jias uô hâux lưv, têx đại biểu tưz saz lax, đơưk têx cêr phiv liv, chor nhov chia lês cov tâu sai têx dự án huôv tsar điện lực hâur Cêr tuôr xav điện VIII (kho đuô) hâur thax tsav tỉnh hâur ntu zuôr txos, moz siaz trâu têx njiaz luk: Lês cxix cxuô cêr tuôr xav; sir jos lês cov sai têx dự án; tso chai muôz nhiax lês têx dự án; nzor cxiv tsa tus gri muôs điện chia têx công ty nzor muôz nhiax chia lês dự án.

Muôx luk hâur jias uô hâux lưv, đồng chí Chủ tịch UBPX tỉnh haik mênhx: UBPX tỉnh puôr lênhx moz siaz cxơưz paz, paz zôngx ziv chia têx tsêr luôv, tsưr cxưx nhiax lês hâux lưv; đros ntơư moz siaz kho đuô, đơưk têx cêr phiv liv hâur côngz xưv saiz car têz qơưk, yax hlo zos têx nênhs lês hâux lưv, uô phiv liv trâu nênhs uô têx ntâuz ntơưr têz qơưk.

Đros ntơư, cxiz cov têx sở, ngành zênhx max cxênhz têx ntâuz ntơưr cov ndax ndênhk, lês trâu sơưr đơưk pov njôngr, mênhx phênhv shuôv; moz siaz đros têx tsưr cxưx nhiax siz thav chia đơưk cov tâu têx cêr phiv liv, chor nhov zênhx max. Haik txos tsêr luôv, tsưr cxưx nhiax, zuôr tsuv moz siaz siz khov, kria pâuz cxix cxuô têx ntâuz ntơưr chia lês dự án cov tâu sai; por hưv tâu jông têx pêx xênhv yaik nhoz qơư yiaz vax huôv, đros trâu cêr tuôr xav cxiv puôz qơư nhoz yiaz cxix cxuô, tâu jông, tsik chia pêx xênhv njiz cêr phiv liv.