Hâur jias uô hâux lưv, thơưx car Sở Dân tộc thiaz Tôn giáo tưz kria pâuz ntâuz ntơưr tsov xav ntơưv UBPX tỉnh fuô lês hâux lưv tiv oz hâur Têz qơưk luôs hâux lưv cxiv tsa jêx jok yiaz, txo tsơưs cêr pluôs truôx njês thiaz huôv tsar nhiax txiax - xã hội thax tsav pêx xênhv hair nênhs tsơưs thiaz tox siaz ntu 2026 - 2030 (hu uô Têz qơưk luôs hâux lưv 417).

Trơưk ntơư muôx 5 zav hâux lưv tsênhv chênhz, 17 njiaz luk mênhx pêv, fuô lês hâur thax tsav muôx pêx xênhv hair nênhs tsơưs thiaz tox siaz ntơưv tỉnh Sơn La. Hâu ntơư muôx têx njiaz luk: Moz siaz cxiv puôz tiar têx cêr muk lok ntơưv thax tsav pêx xênhv hair nênhs tsơưs thiaz tox siaz; huôv tsar nhiax txiax; huôv tsar tiz nênhs lês hâux lưv coz; lês têx cêr chai cxơưz paz, huôv tsar têx hair nênhs tsênhv njiz ntâu cêr txov nhêv; sir zôngv công nghệ thông tin, hlôngr pâur số paz huôv tsar nhiax txiax - xã hội thax tsav pêx xênhv hair nênhs tsơưs thiaz tox siaz. 

Muôx luk jias uô hâux lưv, đồng chí Phó Chủ tịch UBPX tỉnh cxiz cov têx sở, ngành thiaz thax tsav zênhx max lês tiar ntâuz ntơưr chia cxiv tsa cêr tuôr xav ntơưv UBPX tỉnh, xa trâu Sở Dân tộc thiaz Tôn giáo uô ntêx hnuz 20/5; đros ntơư cxênhz têx xã, jok tâu chai sir zôngv cov zos, tsik chia siz yôngx. Hâux lưv phaiz pênhr nhiax zuôr tsuv xuz muôz trâu têx xã, jok njiz ntâu cêr txov nhêv, thax tsav tox siaz, đriv têz; moz siaz siz khov txix li têx cơ quan, đơn vị; lês jông hâux lưv cxênhz yuôx hâur ntu fuô lês, tsi njênhk chia cov lês trâu sơưr đơưk pov njôngr, ndax ndênhk, trơưk đraiv cêr chai.