Ntơưv jias cơưv, nênhs hlôngr njêx muôs Bộ CHQS tỉnh tưz kria pâuz hâux lưv uô tâu hâur fuô lês côngz xưv bax siv phax tar tros; tso tơưv tsov xav phaiz hâux lưv uô mênhx pêv trâu têx thành viên Ban kriz siv phax tar tros; tsov xav khung cơưv shâuv (Khung B); cxiax cxênhv têx jias cơưv siv phax tar phênhv cêr chai; tsov xav cxiv tsa têx tiểu ban paz uô hâux lưv trâu Ban kriz siv phax tar tros. Trơưk tsov xav, jias siv phax tar tros tỉnh Sơn La shông 2026 zuôr tâu kriz luz 6 hli shông 2026, đros trâu njiaz luk: Lực lượng vũ trang tỉnh hla trâu ntu siv phax tar tros; thax tsav nhoz hâur ntu quốc phòng; bax thiaz siv phax tar tros.

Saz lax ntơưv Jias cơưv, têx đại biểu tưz moz siaz saz lax têx cxênhx cxênhv cik txos hâux lưv bax tiz nênhs, phaiz hâux lưv uô mênhx pêv trâu têx thành viên Ban siv phax tar tros, têx tiểu ban paz uô hâux lưv; tsov xav têx kror qơư siv phax tar chia paz tâu zênhx max trâu hâux lưv nhiv no; tsưr ziv cơưv shâuv, bax jâuz mor, đêx hâuk, tsưx truôx cêr njias to...

Câuk luk Jias cơưv, đồng chí Nguyễn Đình Việt tưz zok trâu cơ quan thường trực (Bộ CHQS tỉnh) uô jông sâu tsês têx ndâux luk chia zênhx max uô tiar ntâuz ntơưr tso chai lês. Têx đồng chí thành viên Ban kriz siv phax tar tros, têx cơ quan, đơn vị tưx cxiv tsa tsưr ziv lês trơưk zos li hâux lưv tâu zok; hâur ntu siv phax tar tsuv đros têx cơ quan cik txos siz chos fuô lês ntov ntiv muôx kaz hâu têx kror tưz tso tơưv. Siz chos bax jông uz no trâu jias siv phax tar; hâur ntơư, moz siaz cxiv puôz Sở Chỉ huy, kror qơư siv phax tar tros; tsuv lês tiar uô ntêx hnuz 30/4/2026 chia muôx qơư kriz jias cơưv shâuv trâu têx lực lượng. Têx đơn vị, thax tsav siv phax tar tros đros tỉnh lês jông công xưv bax, cxiv tsa ntâuz ntơưr siv phax tar tros. Đros ntơư, tsik tsês lês jông côngz xưv fuô kria uô ntêx, hâur ntu thiaz tov kaz jias siv phax tar; đhâu no, chox tâu cêr moz siaz siz tưr, sir jos kriz tiar jias siv tir tar tros tỉnh shông 2026 yênhx côngz.