Hâur jias uô hâux lưv, Sở Ngoại vụ tưz kria pâuz tsưr ziv lês Đề án. Trơưk ntơư, thax tsav đriv têz ntơưv tỉnh muôx qơư sơưr zov chênhr lok sâuv huôv tsar nhiax txiax, por hưv njias to thax tsav thiaz đros oz chas têz siz khov, zos thax qơư siz khov đros têx tỉnh Kâuv têz qơưk Lok Tsuôk thiaz têx thax tsav tus đêx Mekong kriz đar. Têx shông đhâu, thax tsav tưz lês tâu ntâu zav txâuk kruôk; taz sik, nhiax txiax tsik tâu huôv tsar jông li têx zav muôx txơưv hâur thax tsav, gruô hu tuz luôv muôz nhiax lês hâux lưv tsênhv tsơưs, pêx xênhv luz nênhx tsênhv njiz ntâu cêr phiv liv.

Tsov xav Đề án tuôr xav huôv tsar nhiax txiax thax tsav đriv têz yênhx qơư chuôz jos zov chênhr ntơưv saz Hnuz pôngz thax tsav tỉnh, đros trâu muôx cxix cxuô cêr muk lok cxuô zav, iz thênhv jux juk paz max trâu têz qơưk Việt Nam - Lok Tsuôk huôv tsar nhiax txiax. Đề án moz siaz trâu têx hâux lưv tsênhv chênhz: Huôv tsar nhiax txiax ntơưv trôngx lôngs, logistics thiaz muôs hax huv; kriz nuôv zax trâu oz chas têz qơưk; hlôngr pâur số thiaz têx hâux lưv tsênhv chênhz txơưr. Tuôr xav hur si nhiax lês hâux lưv yax 10.800 tỷ đaiv, gruô hu txix li pênhr nhiax Trung ương, thax tsav thiaz têx tus khênhx, têx paz pơưs paz.

Hâur jias uô hâux lưv, têx đại biểu tưz moz siaz saz lax mênhx têx njiaz luk thiaz tsưr ziv cxiv tsa Đề án; tso tơưv cêr chai, gruô hu têx paz pơưs, tus khênhx, tuôr xav têx hâux lưv zov chênhr, fiv huv trâu thax tsav. Đros ntơư, saz lax lok sâuv tsưr ziv cxênhz yuôx, tso chai lês hâux lưv, tuôr xav pênhr nhiax; tsưr ziv phaiz nhiax lês hâux lưv tsi njênhk cov trơưk đraiv cêr chai thiaz lês tâu nuv jông.

Câuk luk jias cơưv, đồng chí Đặng Ngọc Hậu haik mênhx: Hâux lưv cxiv tsa Đề án zos hâux lưv zov chênhr, muôx txiax njis zov chênhr chia paz huôv tsar nhiax txiax - xã hội thax tsav đriv têz ntơưv tỉnh hâur ntu zuôr txos. Đồng chí zok trâu Sở Ngoại vụ chox car, siz khov đros têx sở, ngành cik txos zênhx max lês tiar cêr tuôr xav sir zôngv pênhr nhiax, chia xa trâu Sở Tài chính cxênhz xa cấp muôx vax huôv tso chai lês; đros ntơư, moz siaz đros Bộ Ngoại giao saz lax, cơưv shâuv tsưr ziv, cxiv tsa cêr tuôr xav mênhx pêv thiaz tsik so kria pâuz hâux lưv fuô lês.

Sở Tài chính cxênhz yuôx, saz lax muôz nhiax lês hâux lưv; siz khov xair đơn vị fuô kria muôx pênhr xưv chia fuô lês Đề án cov tâu jông. Têx sở, ngành, đơn vị cik txos zênhx max cxênhz yuôx, tso tơưv têx njiaz luk mênhx pêv; moz siaz siz khov đros têx bộ, ngành Trung ương chia cov Đề án cxiv tsa tâu jông thiaz muôx liv./.