Tỉnh pêz muôx 5 thax tsav tsưx tsês tox trôngz hâur pêk; 1thax tsav por hưv qơư uô têz qơư; 1 thax tsav por hưv zav – caz côngx ntông đrox tsuôs thiaz 11 kro qơư jông saiz muôx gri, zos qơư nox nhoz ntơưv ntâu zav tsiax đêx, tsiax kul, shôngz ntông muôx tsơưs; yax 26.500 ha pak đêx, têx tsiax ntâuk cxov, zus yax 9.000 tấn/shông. Hâur têx shông đhâu, tỉnh pêz tưz côngv chox car têx sở, ngành, thax tsav fuô lês siz luôs jok têx faz por hưv cxuô zav tsiax, đrox tsuôs, tox trôngz hâur pêk, por hưv têx har jôngr thiaz qơư nhoz cxuô zav tsik yuô muôx.

Tror lês Cxiax cxênhv têz qơư por hưv cxuô zav tsiax kul nziv tu nôngz, tsiv gri, tsơưs xuz por hưv, tỉnh Sơn La zuôr đros Bộ Kôngz lông thiaz Môi trường fuô lês ntâu dự án xuz paz,li: Cxênhz, yuôx têx zav nhiv no thiaz cxiv tsa qơư trâu ntơưr txos têx tsiax kul nziv tu nôngz, tsiv gri, tsơưs. Uô siv têx qơư por hưv ntơưv qơư, zus thiaz tso cov tror huôv vav cxuô zav nziv zuôr tu nôngz. Cxiv tsa cêr xav nuv uô zênhx max txos cxuô zav taz tov mas hiav lox. Siz côngv saiz car trâu têx chai ntơưv thax tsav por hưv tox trôngz thiaz faz saiz car jôngr truôx njês.

Chia cov chok nxiak uô tâu, tỉnh  xav gruô hu nhiax txiax txix ntâu qơư li tsêr nhiax Têz qơư, pênhr nhiax tín dụng, nhiax por hưv jôngr thiaz cêr paz ntơưv têx paz pơưs, tus khênhx. Sở Kôngz lông thiaz Môi trường tâu zok hâux lưv zos cơ quan jor trơưr, saz lax thiaz côngv lês têx dự án xuz uô. Iz chas ntơư, têx đơn vị li Công an tỉnh, Sở Công Thương thiaz UBPX têx xã, phường zuôr tsik so cxênhz, yuôx thiaz tik cêr cxâuv nênhs muôs, sir zuôv chai ntơưv têx ciaz thiaz qơư tso muôs. Côngz xưv fuô kria cux tâu lok sik saiz hloz. Báo thiaz Xor tôngx chuô, xa đuôz Sơn La sir jos fuô têx jax txix luk têx nênhs tsơưs, chia uô tâu muk đêz đar cêr to tâuz txos pêx xênhv./.