Shông 2025, ngành Sê tưz tsi njênhk kror chox car ntơưv Bộ Tài chính, Cục Sê thiaz hâux lưv huôv tsar kôngz lông, uô lax luôv ntơưv tsêr luôv chia tưx saz lax trâu UBPX tỉnh; đros têx sở, ngành ntơưv tỉnh fuô lês siz luôs jok, ntov nti têx tsưr ziv saiz car sâu nhiax txiax têz qơưk. Đhâu cxênhz sâu nhiax txiax têz qơưk shông 2025 tâu 5.673 tỷ nhiax, tâu 137,1% tsov xav Trung ương zok, tâu 126,1% tsov xav HĐPX tỉnh zok.

Tsov xav sâu nju nhiax txiax têz qơưk shông 2026, tỉnh Sơn La tâu Trung ương zok 4.756 tỷ nhiax; HĐPX tỉnh zok 5.050 tỷ nhiax; Cục Sê zok sir jos sâu cov tâu 6.200 tỷ nhiax. Đhâu cxênhz sâu nhiax txiax têz qơưk 3 luz hli hâu shông 2026 tâu 1.336 tỷ nhiax, tâu 28,1% tsov xav Trung ương zok, tâu 26,5% tsov xav HĐPX tỉnh zok. Hâur ntơư, xav hur si sâu txix sê tâu 1.030 tỷ nhiax; xav hur si sâu txix nhiax sir zôngv ar tâu 306 tỷ nhiax. Txix cias hâu shông no, Sêr tỉnh Sơn La cux tưz tsik tsês zaz zâuv, fuô kria, uô jông kria ziv nênhs uô luôv pâuz thêv nhiax sê trơưk cêr chai yiaz. Nhiv no, hur si tỉnh muôx 19.213 ziv uô luôv, hâur ntơư, 1.714 ziv nênhs uô luôv sâu tâu txix 500 triệu nhiax/shông; tas luz 3 hli shông 2026, xav hur si sâu nhiax txiax têz qơưk trâu ziv nênhs uô luôv tâu 33,2 tỷ nhiax, txênhz 42% tsov xav shông.

Muôx luk hâur jias cơưv, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh, tưz kruôk Sê tỉnh Sơn La uô tiar côngz xưv sâu nhiax txiax shông 2025 thiaz 3 luz hli hâu shông 2026. Đros ntơư, cxiz cov Sê tỉnh Sơn La tror cxơưz vax huôv hâur côngz xưv saiz car sâu nhiax txiax, tưx saz lax trâu UBPX tỉnh têx tsưr ziv chox car sâu nhiax, muôx kaz hâu, fiv huv luz nênhx. Kriz jias cxênhz yuôx cxix cxuô têx pênhr nhiax sâu, saiz car ntov nti têx hâux lưv li: Đêx ar, uô lax luôv, điện tử thiaz têx hâux lưv xênhz txơưv txix điện, nuôv zax...nhav nxiak sâu zos, sâu txưv, zênhx max trâu nhiax zôngv têz qơưk. Tsik tsês cxênhz yuôx sê, cxov, bluô têx nênhs tsik thêv nhiax sê; đros ntơư tsik so uô jông côngz xưv saiz car sâu nhiax sê tsik tâu thêv, grêk tsơưs têx nênhs tsik thêv nhiax sê yiaz. Tror tsik tsês txo tsơưs ntâuz ntơưr, hlôngr pâur số hâur ngành sê, hlôngr yiaz hâux lưv paz pêx xênhv thiaz tsêr luôv pâuz thêv tas nhiax sê. Cxơưz zov chênhr chia huôv tsar kôngz lông uô lax luôv muôx kaz hâu tâu sâu nhiax sê ntêr shông. Sê tỉnh đros têx sở, ngành, thax tsav tsik tsês siz chos saiz car sâu nhiax txiax, kria pâuz xor mông, ntâuz ntơưr, zênhx max paz tsêr luôv thiaz têx tsưr muôz nhiax uô đơưk tâu sai cêr txov nhêv, khuôv đais. Côngv uô tiar côngz xưv sâu nhiax txiax thiaz hâux lưv huôv tsar nhiax txiax - xã hội, tsik tsês gruô hu cxưx nhiax uô, huôv tsar têx ngành hâux lưv muôx liv ntơưv tỉnh, paz sâu tâu nhiax txiax truôx njês. Sir jos uô tiar jông hâux lưv sâu nhiax txiax hâur thax tsav tỉnh Sơn La.

Ndax jias no, Chủ tịch UBPX tỉnh tưz puz ntơưr kruôk trâu 1 paz pơưs thiaz 11 tus khênhx lês jông cêr sik tưr huôv tsar nhiax txiax-xã hội shông 2025. UBPX tỉnh Sơn La kruôk trâu 12 tsêr luôv sâu ntâu nhiax sê trâu têz qơưk shông 2025 thiaz 3 hli hâu shông 2026.