Lês Nghị quyết số 72-NQ/TW hnuz 9/9/2025 ntơưv Bộ Chính trị lok sâuv iz cxia faz uô tâu yax, tsik so por hưv, tu saiz cov pêx xênhv muôx đas jos; têx ntơưr cik txos ntơưv Thủ tướng Chính phủ thiaz Bộ Y tế, UBPX tỉnh Sơn La tưz cxiv tsa tsov xav Cêr njuôk đas jos trơưk chaix, njuôk xair tsik tas nhiax trâu pêx xênhv thax tsav tỉnh shông 2026. Trơưk tsov xav, nênhs tâu paz nhiax njuôk đas jos trơưk chaix iz shông 1 lưv zos pêx xênhv nhoz thiaz lav nhoz txix 12 luz hli tror sâuv, taz tov nhoz thax tsav tỉnh Sơn La. Njuôk moz trơưk chaix chia nzor pâuz têx moz, moz lax kho tsik cik chia kho zênhx max, txo tsơưs têx zav uô moz thiaz tas ntâu nhiax kho moz trâu pêx xênhv; đros ntơư, sâu tâu ntơưr, cxiv tsa ntâuz ntơưr đas jos điện tử, iz thênhv jux juk uô tiar hâux lưv saiz car đas jos trâu hur si pêx xênhv.

Cêr xav fuô lês yênhx 2 jâus. Jâus1, txix luz 7/2026, xuz njuôk moz trâu nênhs muôx hnuz nhôngs, muôx moz, nênhs zos ziv pluôs, ziv jê cêr pluôs, nênhs muôx côngz trâu têz qơưk, nênhs moz lax kho, nênhs tâu paz bảo trợ xã hội thiaz têx nênhs tâu saiz car đas jos ntơưv Ban Thường vụ Tỉnh ủy. Jâus 2, txix luz 9/2026, kriz đar njuôk hur si trâu têx paz nênhs tsik tâu njuôk.

Njuôk đas jos zuôr tâu lês ntơưv têx cơ sở y tế txâuk chai thiaz têx qơư njuôk trâu uz trâu no. Txuv jâus grik têx njuôk đas jos hur si pêx xênhv kriz hâur luz 7/2026, ntơưv 12 xã, phường đruôz đros.

Ntơưv jâus uô nuv, têx đại biểu tưz côngv saz lax txos côngz xưv cxênhz yuôx, sâu bê nênhs; njiaz luk thiaz hnuz nhôngs njuôk; saiz têx hồ sơ đas jos điện tử, bệnh án điện tử; nhiax lês thiaz uô nuv ntơưv têx sở, ngành hâur cêr fuô.

Câuk luk jâus uô nuv, đồng chí Phó Chủ tịch Thường trực UBPX tỉnh cxiz cov têx xã, phường zênhx max tsa tơưv thiaz tso chai bê nênhs trơưk yênhx paz xuz lês, uô tiar hâur luz 6/2026. Sở Y tế cxiv tsa cêr kria têx nuv tâu cơưv uô trơưk chai ntơưv Bộ Y tế; đros ntơư cxiv tsa faz saiz, car ntâuz ntơưr đas jos điện tử trâu nênhs pêx xênhv thâuv njuôk đas jos.

Đồng chí Phó Chủ tịch Thường trực UBPX tỉnh cux cxiz cov yuôx têx tsêr luôv tưz kriz njuôk đas jos trơưk chaix trâu nênhs uô nuv; tror uô tiar tsov xav cêr xav, sâu hur si têx chor nhov, khuôv đais chia cxiax cxênhv tâu fuô lês muôx liv, siz chos yôngv siaz cêr tu saiz đas jos trâu pêx xênhv thax tsav tỉnh.