Dự án Thax tsav nuôv zax har jôngr thiaz so txuôs jos Heritage Village tâu cxiv puôz ntơưv xã Vân Hồ, đar 12,46 ha; tsov xav cxiv puôz tsêr kruô, shophouse, tsêr nhoz lox jông jav, villa hotel, homestay; muôx txâuk qơư trâu 100.000 lênhx so/shông. Dự án tâu UBPX tỉnh Sơn La zênhv tso chai cxưx nhiax uô txix shông 2021. Taz sik, txos nhiv no, dự án nhiv kruôr uô tiar hâux lưv xav tơưv cơ sở, cxênhz yuôx đêx ar huôz chuô cêr ruôr hiav, tsưr ziv txuôk txox cêr jêx jok, chaz điện, hlôngr sir zôngv ar har jôngr...thiaz tsik tâu piz cxiv puôz. Tsưr muôz nhiax uô thor cxiv kho iz cxia cxênhx cxênhv lok sâuv dự án têx hax huv, tsưr ziv, tsêr nhoz lox zâu; cxiv kho pênhr cxưx nhiax uô têz qơưk hâux lưv, dự án uô txos tưs… chia nhav nxiak fiv huv hâux lưv, cêr xar uô lax luôv nhiv no.

Ntơưv jias uô hâux lưv, nênhs hlôngr njêx muôs Công ty TNHH Siz chos uô lax luôv  Vinahure – IDC tưz kria pâuz têx txov nhêv, khuôv đais hâur fuô lês dự án cik txos tuôr xav hâur pâuk ar, saz lax gri nhiax ar, têx cêr chai chia zuôr thiaz ntiar ar; thor tỉnh tso chai cxiv kho cêr chai cxưx nhiax uô, xav tơưv tsưr ziv cxiv puôz vax tsêr, cêr muk lok, uô tiar cêr chai ntiar ar thiaz ntơưr thor cxiv puôz... paz tsưr muôz nhiax uô zênhx max lês tiar hâux lưv tâu zok.

Thơưx car xã Vân Hồ thiaz têx sở, ngành tưz kria pâuz luz cênhz pov yưv têx txov nhêv, thor tso tơưv iz cxia tsưr ziv uô mênhx pêv chia đơưk hâux lưv zuôr, ntiar ar, puz ntơưr muôx vax huôv cxiv puôz, cxiv kho cêr chai cxưx nhiax uô lok sâuv tsar pênhr cxưx nhiax uô dự án cêr chor nhov…

Fuô luk hâur jias uô hâux lưv, đồng chí Phó Chủ tịch Thường trực UBPX tỉnh cxiz cov xã Vân Hồ tror paz tsưr muôz nhiax uô đơưk tâu sai cêr txov nhêv, paz uô ntêx hâux lưv lês tiar ntâuz ntơưr trâu têx thax ar cxiv puôz ntu I, gruô hu têx ziv nênhs muôx ar nhoz hâur dự án jông siaz côngv đros uô, nzor zok tiar ar; zok trâu têx sở, ngành cik txos siz chos tu tiar têx hâux lưv, cêr chai trơưk li vax huôv tâu zok. Tsênhr cov tsưr muôz nhiax uô lês tiar ntâuz ntơưr cxiv kho cêr chai cxưx nhiax uô, xav tơưv tsưr ziv cxiv puôz chia kria, thor Ban Thường vụ Tỉnh ủy côngv pâuz paz cxênhz yuôx, tso chai lês, đros ntơư, tsuv tâu kror siz chos lês tiar cxênhx cxênhv, cêr chai, ntâuz ntơưr chia zênhx max uô tiar hâux lưv zos cêr tuôr xav trâu ntu zuôr txos.