Tok thiaz đros paz côngz xưv muôx têx đồng chí: Nguyễn Đình Việt, Phó Bí thư Tỉnh ủy, Chủ tịch UBPX tỉnh; Nguyễn Thành Công, Phó Chủ tịch UBPX tỉnh; nov chox car iz cxia sở, ngành ntơưv tỉnh.

Ntơưv jias uô hâux lưv nov chox car iz cxia sở, ngành cik txos tưz kria mênhx hâux lưv txâuk điện huôv tsar nhiax txiax - xã hội thiaz paz max pêx xênhv sơưr đơưk muôx txâuk nox txâuk hnar thôngz tỉnh Sơn La; têx hâux lưv fuô lês Nghị quyết số 42-NQ/TW hnuz 24/11/2023 ntơưv Ban Chấp hành Trung ương Đảng lok sâuv tror hlôngr yiaz, lês jông hâux lưv paz pêx xênhv trơưk đraiv chai têz qơưk, paz tâu xưv cxênhx cxiv tsa thiaz por hưv Têz qơưk hâur ntu nênhx nhiv no, Ntơưr xav số 19-KH/TW hnuz 27/11/2023 ntơưv Bộ Chính trị lok sâuv lês Nghị quyết số 42-NQ/TW.

Lês côngz xưv txâuk điện zôngv, nhiv no, điện ntơưv tỉnh Sơn La phênhv ntâu zos têx tsêr điện đêx thiaz iz phênhv lok six zâu zos điện yar ntux jiaz sâuv trur tsêr, điện sinh khối. Thôngz tỉnh muôx 60 luz tsêr mair điện đêx taz tov tâu zôngv yax 3.790MW txênhz yax 16% tas nro điện đêx thôngz têz qơưk. Xav shông 2024, tas nro điện uô nox hâur thax tsav tỉnh nto 14 tỷkwh.

Shông 2021 txos nhiv no, tỉnh Sơn La taz tov lês “Tiểu Dự án chaz điện têz qơưk trâu pêx xênhv jêx jok ntơưv tỉnh Sơn La ntu 2021 – 2025” trơưk cxưx nhiax kho điện nhaz xênhz txix điện têz qơưk trâu li 13.500 ziv, tas nro pênhr nhiax tâu cxưz 420 tỷ đaiv. Têx thôn, jok muôx điện tsar 1,70%, yôngv tiv tsôngv têx thôn, jok muôx điện txix 98,21% shông 2021, ndê 99,91% shông 2024. Nhiv no, yuôr 2 luz jok: Pha Đin, xã Chiềng Dong, huyện Mai Sơn thiaz jok Ta Lát, xã Mường Cai, huyện Sông Mã, tsik tâu muôx điện. Tiv tsôngv têx ziv pêx xênhv tâu sir zôngv điện nhaz xênhz txos shông 2025 yuôr 1%, zos 3.000 hộ. UBPX tỉnh Sơn La tưz muôx ntơưr khov Bộ Công Thương cxưx nhiax paz txix pênhr hlôngr điện truôx njês Việt Nam - EU.

Lês Nghị quyết số 42-NQ/TW, nriar hâux lưv uô tưz hlôngr hâux lưv, paz nzir 21.018 tus nênhs muôx hâux lưv uô, sâu tâu nhiax txiax truôx njês, lês tâu yax 105% njuôk li tuôr xav shông 2024; têx nênhs uô hâux lưv tưz tâu cơưv shâuv 20.083 lênhx; tiv tsôngv têx nênhs uô hâux lưv tưz tâu cơưv txênhz yax 62%. Muôx 99,87% ziv nênhs têz qơưk muôx chai paz, nênhs muôx côngz uô nênhx bâuv lok sik siaz đuô fênhx đraz cêr uô nênhx hâur tsôngv pêx xênhv nhoz uô cê. 100% têx nênhs tâu têz qơưk muôz nhiax zus tâu lês cxix cxuô trơưk đraiv chai. 100% mê nhuôv zâuk txov nhêv tâu paz. 100% têx nênhs muôx zênhk zênhz thâuv cxênhz pâuz muôx zênhk puôr lênhx tâu uô chox muk chiv fiv huv...

Tas nro têx nênhs tâu têz qơưk paz nhiax zus thôngz tỉnh nto 43.069 lênhx. Thôngz tỉnh tưz paz uô tâu 943 luz tsêr trâu pêx xênhv pluôs, jê cêr pluôs uô tsik tâuk tsêr nhoz, tas nro têx nhiax paz uô tsêr yax 40 tỷ đaiv. Tưz muôz nhiax paz yênhx luz hli trâu 28.634 lưv tus nênhs muôx côngz thiaz nênhs muôx côngz têx cxênhz jê, tas nro zuôr luôs nto 73 tỷ đaiv...

Ntơưv jias uô hâux lưv, đồng chí Thứ trưởng tưz kruôk têx hâux lưv lês côngz xưv paz max pêx xênhv sơưr muôx nox muôx hnar trơưk đraiv cêr chai têz qơưk thôngz tỉnh Sơn La ntu đhâu. Đồng chí cux cxiz cov tỉnh tror trâu siaz uô tsêr paz pêx xênhv txov nhêv cov muôx tsêr nhoz. Tsi njênhk huôv tsar choz kria,átanhr cov têx mê nhuôv txưv shông puôr lênhx tâu muk cơưv ntơưr. Lês jông côngz xưv cxuz cêr yaiz, pluôs, larr haik yax mak thax tsav pêx xênhv hair nênhs tsơưs; saiz car ntov têx nênhs chiv zênhk zênhz ntơưv têx qơưk chiv zênhz. Zênhx max chaz điện trâu 2 luz jok tsik tâu muôx điện; paz cxur trâu ziv pêx xênhv pluôs nox Tsiaz pêz Châus Naz Shông...

Đồng chí Chủ tịch UBPX tỉnh tưz lênhk paz nov uô côngz xưv têx luk ntuôk. Đồng chí cux khov cov Chính phủ, cxuô bộ, ngành Trung ương zênhx max fuô têx ntơưr kria lês cêr chai trơưk Nghị quyết số 42-NQ/TW chia cov têx tỉnh, thành pov kaz lês hâux lưv. Khov Tổng công ty Điện lực Kâuv têz tror paz kho têx xor điện hâur thax tsav tỉnh. Njuôk tsov paz uô điện li điện yar ntux, điện chuô… trâu 1.200 ziv pêx xênhv tsik tâu muôx điện, cxưx nhiax uô yiaz trạm 110kV thiaz chaz đuô xor điện...

Uô ntêx ntơư, Paz côngz xưv Bộ LĐ-TB thiaz Xã hội tưz shuôk têx hâux lưv ntơưv Qơư chiv zênhk zênhz tỉnh, Tsêr nhiax CSXH tỉnh. Ndax jias no, Paz côngz xưv tưz puz 50 triệu nhiax đros trâu ntâu zav huv trâu Trung tâm Bảo trợ xã hội tỉnh.