Taz Paz côngz xưv, ntơưv tỉnh Sơn La muôx têx đồng chí: Nguyễn Đình Việt, Phó Bí thư Tỉnh uỷ, Chủ tịch UBPX tỉnh; Vi Đức Thọ, Uỷ viên Ban Thường vụ Tỉnh uỷ, Phó Chủ tịch Thường trực HĐPX tỉnh; thơưx car Ủy ban MTTQ Việt Nam tỉnh, Tsêr nhiax Têz qơưk Chi nhánh thax tsav 3 thiaz nênhs hlôngr njêx muôs Chi nhánh têx tsêr nhiax cxơưz cêr lax luôv hâur thax tsav tỉnh.

Fuô luk hâur cxiax cxênhv, đồng chí Nguyễn Thị Hồng, Thống đốc Tsêr nhiax Têz qơưk Việt Nam haik mênhx, hâur ntu đhâu, ngành Tsêr nhiax tưz tsik tsês sir jos chia uô tiar jông hâux lưv tâu zok, paz tsưx truôx thiaz huôv tsar nhiax txiax  - xã hội hur si têz qơưk. Ngành tưz gruô hu nhiax pênhr thiaz muôz nhiax trâu têx tsêr luôv, ziv nênhs, pêx xênhz nhoz hur si têx thax tsav hâur têz qơưk txaik huôv tsar kôngz lông, uô lax luôv.

Đros trâu njiaz luk siz hluz siz paz, ngành Tsêr nhiax tưz uô ntêx lông, lês tiar phênhv shuôv muôz nhiax trâu têx ziv pluôs, ziv tâu paz cêr chai txaik, lar haik nhoz tox siaz, đêz đrôngs, đriv têz. Lar kruôk, hâur shông 2025, ngành tưz tsês yax 2.000 tỷ  nhiax chia fuô lês têx cxiax cxênhv por hưv pêx xênhv luz nênhx tâu jông, hâur ntơư lar haik cxiax cxênhv paz pêx xênhv thiaz têx thax tsav đơưk cêr phiv liv tiv ntux nas hiav, Cxiax cxênhv cxiv kho tsêr đos đis, xâu nas zos Thủ tướng Chính phủ gruô hu.

Đồng chí Thống đốc Tsêr nhiax tưz kruôk trâu tỉnh Sơn La têx hâux lưv uô tâu hâur huôv tsar nhiax txiax- xã hội, côngz xưv bax nox Tsiaz, lar haik têx ziv nênhs muôx côngz, ziv pluôs hâur thax tsav. Đros ntơư, cxiz cov thax tsav tror cxơưz têx hâux lưv jông uô tâu, moz siaz lês muôx kaz hâu côngz xưv por hưv pêx xênhv luz nênhx tâu jông, paz pêx xênhv tâu nox Tsiaz Têz qơưk Nênhk shông 2026 shir phaz, lov jêv ntưk; zos qơư chuôz zov chênhr chia cxơưz Đảng bộ, nov hâu uô tiar hâux lưv shông, cxiv tsa thax tsav huôv tsar truôx njês.

Ntơưv cxiax cxênhv, Công đoàn Tsêr nhiax Việt Nam tưz krưr 2.500 hnaz huv Tsiaz, tsiv nhos 3,75 tỷ nhiax; têx tsêr nhiax cxơưz cêr lax luôv muôx: Tsêr nhiax Kôngz lông thiaz Huôv tsar jêx jok Việt Nam, Tsêr nhiax TMCP Cxưx nhiax thiaz Huôv tsar Việt Nam, Tsêr nhiax TMCP Công Thương Việt Nam thiaz Tsêr nhiax TMCP Ngoại thương Việt Nam tưz krưr 28.212 hnaz huv, xav hur si tsiv nhos 14,1 tỷ nhiax trâu ziv pluôs, jê cêr pluôs, ziv nênhs muôx luz nênhx lok six txov nhêv hâur thax tsav tỉnh. Đhâu cxiax cxênhv, ngành Tsêr nhiax xar đros tỉnh Sơn La côngv têk fuô lês côngz xưv por hưv pêx xênhv luz nênhx tâu jông, gra tuôx luz Pax tsiaz nox kaz nhoz jông, sor siaz tsênhr cov tsik chia lênhx tưs pôngz kaz hâur hâux lưv cxơưz thax tsav tsik tsês huôv tsar.

Paz côngz xưv cux tưz krưr 242 hnaz huv (xav iz hnaz huv tsiv nhos 1,5 triệu nhiax) trâu têx ziv nênhs tâu paz cêr chai, bí thư chi bộ, hâu jok thiaz thơưx ban mặt trận têx jok uô ntêx lông ndax Tsiaz Têz qơưk Nênhk shông 2026 hâur thax tsav 14 xã: Bắc Yên, Tà Xùa, Xím Vàng, Pắc Ngà, Chiềng Sại, Tạ Khoa, Phù Yên, Gia Phù, Tường Hạ, Suối Tọ, Mường Cơi, Mường Bang, Tân Phong, Kim Bon.

Fuô luk ntơưv cxiax cxênhv, đồng chí Nguyễn Đình Việt tưz uô tsâus kror moz siaz paz ntơưv đồng chí Thống đốc Tsêr nhiax Têz qơưk Việt Nam thiaz têx tsêr nhiax cxơưz cêr lax luôv trâu têx ziv pluôs, ziv nênhs muôx côngz hâur thax tsav tỉnh đhâu cxiax cxênhv krưr huv por hưv pêx xênhv luz nênhx tâu jông muôx txiax njis lok six zov chênhr. Ntơư zos qơư chuôz muôx jos lox cxơưz pêx xênhv hla đhâu cêr txov nhêv, cxiv tsa luz nênhx tâu jông thiaz cxuz cêr yaiz pluôs truôx njês. 

Đồng chí Chủ tịch UBPX tỉnh chos luk tror đros Tsêr nhiax Têz qơưk thiaz têx tsêr nhiax cxơưz cêr lax luôv siz chos fuô lês muôx kaz hâu têx hâux lưv muôz nhiax txaik thêv tsav liv tsơưs, paz zênhx max trâu têx tsêr nhiax hâur thax tsav hâux lưv, đros trâu huôv tsar nhiax txiax thiaz por hưv pêx xênhv luz nênhx tâu jông, lar haik têx thax tsav nhoz tox siaz, đêz đrôngs, pêx xênhv hair nênhs tsơưs. Chox car cxuô cấp, ngành cik txos saiz car, sir zôngv zos chai, muôx kaz hâu têx pênhr nhiax paz pêx xênhv luz nênhx tâu jông; nhav nxiak têx hnaz huv ntơưv têx tsêr nhiax tâu zênhx max xa txos têk tiz nênhs zos nênhs zos chai./.