Ntơưv jâus uô hâux lưv, UBPX xã Yên Châu tưz fuô têx cêr cxênhz, xav khov kho tsêr đos đis, tsêr nas zuk thax tsav txix luz 12/2025 txos nhiv no. Trơưk ntơư, thax tsav no muôx 49 luz tsêr đos đis, xâu nas cxaz nzir, phênhv ntâu zos ziv pluôs thiaz jê cêr pluôs. Xã tưz gruô hu cxuô zav nhiax, zaz zâuv nênhs siaz đơưz, pêx xênhv thax tsav paz nhiax, hnuz uô nuv, paz têx ziv cxiv puôz, kho đuô tsêr nhoz.

Lok sâuv hlôngr ntơưr hành chính, xav hur si cxênhz têx cêr paz hâur kror trôngx uô nuv têz qơưk luz 5 hli ntơưv xã tâu 92,63 điểm. Têx ntâuz ntơưr têz qơưk tâu lês ntơưv Trung tâm Paz max uô ntâuz ntơưr têz qơưk công xã muôx 437 zav, đros trâu 220 zav ntơưr hur si tâu piar lês. Hâur 5 luz hli hâu shông, tưz nhav, kria thiaz uô 923 hồ sơ, hâur ntơư, 99,02% hồ sơ tâu tso pov njôngr yưv ti vi; uô zos hnuz tênhv  908/923 hồ sơ, đuô li taz tov saiz uô.

Xav li côngz xưv cxênhz yuôx ntâuz ntơưr xav cxâuv chai têz qơư, txos luz 5/2026, xã Yên Châu tưz cxênhz hur si têx ntâuz ntơưr xav cxâuv chai têz qơưk tsênhv muôx vax huôv sir. Thax tsav khov UBPX tỉnh kria nzir toz txos côngz xưv cxênhz, yuôx, đơưk thiaz têx zav hlôngr ntâuz ntơưr trâu têx cán bộ, công chức tâu cơưv uô nuv.

Fuô luk ntơưv jâus uô nuv, đồng chí Đặng Ngọc Hậu tưz kruôk txos têx nuv uô tâu ntơưv xã Yên Châu hâur hâux lưv hlôngr uô ntâuz ntơưr têz qơưk. Đồng chí cxiz cov xã yuôx cêr lês số hlôngr hồ sơ paz pêx xênhv kho sir hồ sơ taz tov tâu uô ntâu lưv. Tsik so yuôx, cxênhz pênhr xưv tâu cơưv uô nuv ntơưv têx cán bộ, chuyên viên uô nuv ntơưv Trung tâm Paz max hành chính công ntơưv xã; kria pêx xênhv chia nộp hồ sơ pov njôngr ti vi, uô têx ntơưr hành chính pov njôngr ti vi, thêv nhiax pov njôngr ti vi. 

Xav li côngz xưv kho tsêr đos đis, đồng chí Phó Chủ tịch UBPX tỉnh cxiz cov xã tror cxênhz yuôx, gruô hu nhiax xã hội paz têx ziv pluôs, ziv nênhs tâu chai paz uô đuô tsêr nhoz trâu shông 2026; cxaz nzir, muôz nhiax chia cxiv puôz tsêr nhoz thiaz muôz ntơưr chênhr nhav vax huôv sir zôngv ar trâu têx ziv zuôr tâu kho tsêr đos đis. Zênhx max lês têx cêr xav ntơưv tỉnh hâur cêr yuôx ntơưr xav cxâuv chai têz qơư, cxênhz hur si hâux lưv cxênhz yuôx, kho đuô têx ntâuz ntơưr thiaz fuô têx chor nhov thâuv fuô lês chia UBPX tỉnh zênhx max chox car kho đơưk.