Hâur jias uô hâux lưv, UBPX xã Chiềng La tưz kria pâuz hâux lưv paz uô tsêr nhoz hâur thax tsav. Trơưk ntơư, txos nhiv no, xã muôx 91 zis taz tov nhoz tsêr khâuz hlaz, đos đis zuôr tsuv tâu paz uô tsêr nhoz. Xã tưz gruô hu, zaz zâuv têx nênhs siaz đơưz, pêx xênhv hâur jêx jok paz nhiax, đas jos chia paz têx zis pluôs nzor uô tsêr nhoz.

Haik txos côngz xưv hlôngr uô ntâuz ntơưr têz qơưk, hâur 3 hli hâu shông, xã tưz lês jông côngz xưv cxênhz thiaz kria pâuz têx ntâuz ntơưr trơưk đraiv cêr chai. Trung tâm paz uô ntâuz ntơưr têz qơưk xã tror tâu tsưx truôx, kho đuô thiaz lês tâu hâux lưv jông; lês jông côngz xưv uô ntâuz ntơưr ntơưv qơư uô ntâuz ntơưr iz luz kror trôngx. Tưz nhav, kria thiaz uô 386 ntâuz ntơưr, hâur ntơư: Uô sâuv mạng 380 ntâuz ntơưr; tu trơưk six hơưv 380 ntâuz ntơưr; yax hnuz nhôngs tênhv 3 ntâuz ntơưr; taz tov uô 3 ntâuz ntơưr.

Muôx luk hâur jias uô nuv, đồng chí Đặng Ngọc Hậu cxiz cov xã gruô hu nhiax đros trâu têx nhiax paz chia uô tsêr cov khor kho. Cxênhz hur si têx ntâuz ntơưr vax huôv sir zôngv ar trâu têx zis tâu paz uô tsêr nhoz hâur jias no.

Haik txos côngz xưv uô ntâuz ntơưr têz qơưk, đồng chí cxiz cov xã tror lês jông côngz xưv fuô kria txos trâu pêx xênhv chia cov sơưr đơưk pâuz uô ntâuz ntơưr sâuv mạng; đơưk zênhx max têx cêr phiv liv. Nthuôr huôv jông qơư sơưr ntơưv têx tổ công nghệ số jêx jok hâur fuô kria pêx xênhv uô ntâuz ntơưr sâuv mạng. Tror moz siaz uô ntâuz ntơưr chia cov fiv huv tiêu chí "Zos - Cxix cxuô - Hur si"...