Hmo 16/7, sơưr nzor hnuz 17/7, thax tsav xã Ngọc Chiến ntux lol nas hloz, hiav vâu tas 3 luz tsêr, 8 luz tsuv txar zênhx max, 6 luz mas ar poz cxuz; yôngz lơưv 40 luz guôx njêk, pôngz tas 20 tấn njêk, 17 ha poz cưk, kol ntông. Ar poz cxuz ntơưv 21 ntu cêr tỉnh 109. Txos hnuz kaix 18/7, txox cêr txix jok Kẻ txos đrôngs xã Ngọc Chiến cux tsik tâu thôngz, cxuô luz yêz muk tsik tâuk lok đhâu. 

Ntơưv xã Mường La, ntus nas hloz hiav 64 ziv luz tsêr puôk tsuôx, muôx 17 ziv tsuv txar zênhx max; đêx huôv nhaz, yôngz  yax 178 ha kôngz lông ntơưv têx jok: Lứa, jok Ít, jok Nặm Păm, jok Mường Trai, jok Ten, jok Nà Nong, jok Hua Nặm Chà Lào, jok Nà Lốc, Tiểu khu Mé Lìu, Tiểu khu Chiềng Tè. Txox cêr têz qơưk 279D, tỉnh lộ 109 thiaz cxuô txox cêr thôngz xã, thôngz jok mas poz cxuz, hiav lox txos pêx xênhv muk lok. Xav hur si puôk tas yax 27 tiv nhiax.

Ntơưv xã Mường Bú, ntux nas hloz hiav 35 ziv tsuv tâu txar zênhx max, puôk lơưv 43,3 ha kôngz lông; ntâu ntu cêr muk đruôz jok sâuk poz. Txos nhiv no, têx cêr Têz qơưk 279D, cêr tỉnh 116 yêz tưz mul lol tâuk thôngz; cxuô txox cêr thôngz xã, thôngz jok taz tov tâu xuôk máy huk, tiz nênhs thoz ar poz jêz, kho đơưk têx qơư ar poz sưz, tiar muk lok.

Cias tov kaz ntux nas hiav, têx xã Mường La, Mường Bú, Ngọc Chiến tưz cxiz dân quân, cán bộ, chiến sĩ Phòng Cảnh sát Phax tuô hluôr tơưk cuz thiaz chơưv tiz nênhs huôk chuôz tav, Công an tỉnh, công an xã, têx tsưx njias to xã jok, đoàn viên thanh niên thiaz pêx xênhv, cov txar nênhs thiaz chuôz tav trâu qơư nhaz xênhz. Ban Chỉ huy Phax tar dân sự têx xã cxênhz yuôx têx thax tsav nziv tsik nhaz xênhz, cxok fiax fuô kria, tuôr xav tiz nênhs jor têx qơư cêr yêz nziv tsik nhaz xênhz, yax hlo mak têx thax tsav muôx njik nziv poz cxuz, cuôr, nhaz toz. Đros ntơư, ndo njôngr fuô, kria mông ntux lok nas txos têx xã jok, phaiz nênhs jor phax tar ntux nas hiav…

Đhâu cxênhz yuôx tsênhz têx qơư mas đêx nas hiav, đồng chí Phó Chủ tịch UBPX tỉnh tưz kruôk txos cêr chênhz phax, muôx phênhv shuôv ntơưv nov hâu thiaz pêx xênhv thax tsav. Đros ntơư, cxiz cov cấp ủy, nov hâu têx xã côngv paz chơưv, sox njôngr ntux nas, yuôx têx faz txar pêx xênhv đhâu thax qơư riaz nênhs, xuz paz cov tâu pêx xênhv txox sia, yax hlo mak ntus đêx, thax qơư nziv poz cxuz, nhaz cuôr. Gruô hu tas tiz nênhs zênhx max kho đơưk cxuô txox cêr mas hiav chia cov thôngz cêr, paz max pêx xênhv muk lok; côngv kho đơưk sai têx zav mas hiav, nzor truôx njês nox nhoz thiaz cêr uô kôngz trâu pêx xênhv; bax têx faz tsưr ziv paz đêx hâuk, kar nox, yuôx kho moz thiaz chok nxiak côngz xưv phax tar caz moz, tror sox nyik cêr txơưr txar huôz chuôz chia zênhx max muôx faz tsưr ziv tir tar fiv huv.