Pêz luz hli hâu shông no, xã Mường É tưz yuôx, saiz thiaz kriz lus têx ntâuz ntơưr hành chính trơưk chai xav; lês jông côngz xưv uô ntơưr hành chính trơưk iz luz kror trôngx, iz luz kror trôngx siz thôngz; Trung tâm Paz max hành chính công xã tưz lês 434 zav ntơưr hành chính đros 185 zav ntơưr khov uô hur si. Hâur pêz luz hli hâu shông, tưz taz nhav, kria thiaz tu tâu 334 hồ sơ, hâur ntơư 100% hồ sơ tâu muôz pov njôngr ti vi; tu tâu zos hnuz tênhv 319/334 hồ sơ;  taz tov tu 15 hồ sơ; điểm cxênhz paz max nuv kror trôngx têz qơư ntơưv xã tâu 95,36 điểm. 

Thax tsav nuôv txi trôngz Pha Đin tâu tuôr xav đros 8 thax zov chênhr đar 190 ha. Hâur ntơư, têx zav nuôv zax txux chi muôx lênhx đar 7,9 ha, muôx: Thax tsav thax txi têx Anh hùng liệt sĩ đar 4,01 ha; Tsêr mnov Pha Đin đar 4,49 ha.

Ntơưv jâus uô nuv, UBPX xã Mường É tưz fuô têx cêr phiv liv hâur ntu fuô lês đề án tuôr xav phaiz thax tsav cxiv puôz qơư nuôv zax. Đhâu cxênhz yuôx, nhiv no muôx iz ziv nênhs xav tsik tâu ar li ntơư xav tsik tâu gri ar chia thêv nhiax mênhx pêv; dự án iz phênhv tâu sir zôngv txix nhiax xã hội paz, taz sik, cêr gruô hu têx cơ quan, đơn vị paz nhiax chia fuô lês tsênhv phiv liv. 

Fuô luk jâus uô nuv, đồng chí Đặng Ngọc Hậu tưz sâu nhav têx cêr trâu siaz ntơưv xã Mường É hâur cêr hlôngr ntơưr hành chính. Đồng chí cxiz cov xã tror fuô kria txos pêx xênhv zuk thax tsav lok sâuv chai xav ntơưv Trung ương thiaz tỉnh txos côngz xưv hlôngr ntơưr hành chính; uô sai số hlôngr uô ntơưr hành chính, paz pêx xênhv tror sir zôngv đuô hồ sơ taz tov tâu uô ntâu jâus. Zok trâu Trung tâm Paz max hành chính công tỉnh thiaz têx sở, ngành tsik so kria, côngv đros cxuô thax tsav tu têx ntơưr hành chính khov hur si hâur qơư pov njôngr đhâu ti vi.

Xav li têx khuôv đais ntơưv Thax qơư nuôv zax txux chi txi trôngz Pha Đin, đồng chí Phó Chủ tịch UBPX tỉnh cxiz têx sở, ngành, thax tsav cxênhz yuôx tuôr xav, muôz ntơưr chênhr nhav vax huôv sir zôngv ar, paz zôngx ziv trâu cêr saiz car Têz qơưk thiaz gruô hu nhiax txiax xã hội paz cxiv tsa trâu dự án. Fuô kria, zaz zâuv pêx xênhv pâuz, jav cêr đar trâu côngz xưv yêv qơư.