Ntơưv Yar cơưv Phổ thông nội trú Tiểu học thiaz THCS Mường Hung thiaz Yar cơưv Phổ thông nội trú Tiểu học thiaz THCS Chiềng Khương, đồng chí Phó Chủ tịch UBPX tỉnh đros paz côngz xưv tưz cxênhz yuôx têx kror txâuk chai chia bax trâu jias txiar ntâuz muôz zok sir zôngv thiaz kriz shông cơưv yiaz; mnôngs nênhs hlôngr njêx muôs tsưr muôz nhiax uô, thax tsav thiaz têx đơn vị kria pâuz hâux lưv lês tiar thiaz têx cxênhx cxênhv cik txos. 

Trơưk ntơư, txos nhiv no Yar cơưv Phổ thông nội trú Tiểu học thiaz THCS Chiềng Khương uô tiar 85% hâux lưv, Yar cơưv Phổ thông nội trú Tiểu học thiaz THCS Mường Hung uô tiar 97,5% hâux lưv. Hâur ntu ntux lok nas ntâu, têx đơn vị cxiv puôz tưz sir jos lês cov tiar têx hâux lưv. Nhiv no tưz uô tiar hâux lưv zuôr chuôz zênhx, taz tov đhos chuôz zênhx kria thiaz cơưv ntơưr, shuv xênhz qơư nhoz, tsêr mor, ... nhav nxias txâuk chai hâur shông cơưv yiaz 2026-2027.

Đhâu cxênhz têx hâux lưv, đồng chí Phó Chủ tịch UBPX tỉnh cxiz cov tsưr muôz nhiax uô, nênhs nhav cxiv puôz tror gruô hu tiz nênhs, chuôz zênhx cxiv puôz txơưx fiv, nzaz nzơưv tâu jông ntux chia sir jos nzor uô tiar tâu sai yar cơưv. Hâur ntu cxiv puôz tsuv uô jông uô, nhaz xênhz thiaz por hưv đêx ar huôz chuô nyiaz hur,... paz max jias kriz shông cơưv yiaz thiaz muôz zok sir zôngv hâur shông cơưv 2026-2027, cấp ủy, nov hâu thiaz pêx xênhv thax tsav cêr chia siaz.