Txuv jâus cơưv muôx đồng chí Vũ Thế Bình, Chủ tịch Hiệp hội Nuôv zax Việt Nam; thơưx car têx sở, ngành ntơưv tỉnh; thơưx car UBPX têx xã, phường: Tà Xùa, Bắc Yên, Ngọc Chiến, Vân Hồ, Mộc Châu, Mộc Sơn, Thảo Nguyên.

Têx shông tsik ntêr no, nuôv zax tưz paz tsar nhiax ntơưv tỉnh Sơn La. Têx thax, qơư nuôv zax, li: Thax qơư nuôv zax têz qơư Mộc Châu; pak đêx điện Sơn La; Tà Xùa; têx jok nuôv zax tsôngv nênhs ntơưv Ngọc Chiến, Vân Hồ… tror zos qơư tuôx ntơưv ntâu tus kruô nuôv zax xair tsov. Xav cias 2 luz hli hâu shông 2026, tỉnh pêz tưz tok tâu jê 1,3 triệu pưs kruô; xav têx nhiax nuôv zax sâu tâu yax 1.500 tiv đaiv.

Ntơưv jâus uô nuv, têx đại biểu tưz côngv saz lax têx njiaz luk, li: Tror tsov xav tso tơưv têx cêr chai nhiax paz  huôv tsar nuôv zax ntơưv tỉnh; cxênhz têx zav muôx nuôv zax; huôv tsar nuôv zax tsôngv nênhs. Oz tos cux siz nus ntâu njiaz luk siz khov ntơưv UBPX tỉnh Sơn La thiaz Hiệp hội Nuôv zax Việt Nam hâur ntu zuôr txos . Hâur ntơư, taix khov chox lês kriz Shông nuôv zax Têz qơư thiaz Hnuz kruô nuôv zax Việt Nam ntơưv tỉnh. Ntơư zos jâus chia yâu mông njux đuôz, cêr txơưv zênhx, muôx fiv ntơưv nuôv zax tỉnh pêz, uô tâu muk đêz đar trâu ntu huôv tsar txuôk nzir.

Fuô luk jâus uô nuv, Chủ tịch Hiệp hội Nuôv zax Việt Nam haik tiak: Sơn La muôx ntâu txơưv zênhx, chuôz chia huôv tsar nuôv zax, li ntơư tsuv moz siaz tsov xav, cxiv kho chai nhiax paz fiv huv chia cxơưz paz saz nuôv zax huôv tsar truôx njês. Hâur ntơư, saiz hloz cxiv tsa chai paz nhiax huôv tsar nuôv zax fiv huv chai yiaz tov kaz sâu uô cê; huôv tsar têx huv nuôv zax txơưr hlo, jông, muôx pênhr xưv siz tưr; muôx ntâu thiaz chôngz nênhs txơưx; muôx cêr xav cxơưz paz, yâu mông thiaz txuôk chuôs tsêr luôv. Hiệp hội Nuôv zax Việt Nam chos luk zuôr côngv lês, paz tỉnh hâur cêr kria chai nhiax txiax, siz chos muôz nuôv zax Sơn La huôv tsar truôx njês hâur ntu zuôr txos.

Câuk luk jâus uô nuv, đồng chí Phó Chủ tịch Thường trực UBPX tỉnh  uô tsâus txos Paz côngz xưv ntơưv Hiệp hội Nuôv zax Việt Nam tưz tuôx tsov njuôk thiaz uô nuv ntơưv Sơn La. Đồng chí cxiz cov Hiệp hội Nuôv zax Việt Nam tror côngv đros, paz tỉnh hâur cêr huôv tsar nuôv zax đros cêr kria, saz lax paz chai; paz nhiax tsêr luôv thax tsav tỉnh chuôs nuôv zax njuôz, huôv tsar truôx njês; kria cxiv tsa huv nuôv zax; paz choz tiz nênhs nuôv zax cov zos li cêr cơưv txix nênhs pêx xênhv txos tsêr luôv thax tsav tỉnh.