Jias tưr tas ntơưr THPT shông 2026, xã Phù Yên muôx 26 qar tưr ntơưv Yar cơưv THPT Phù Yên, đros trâu 611 lênhx shuv xênhz chos luk tưr; muôx 608/611 têx shuv xênhz tuôx uô ntâuz ntơưr tưr, muôx 3 lênhx tsik tuôx (hâu ntơư muôx 1 lênhx shuv xênhz muôx moz đros chêr tsik tas tưr, 2 lênhx zos têx shuv xênhz cơưv tiar uô ntêx ntơư tưx tsik tuôx uô ntâuz ntơưr).

Xã Gia Phù muôx 23 qar tưr ntơưv Yar cơưv THPT Gia Phù đros trâu 551 lênhx shuv xênhz côngv tưr; ntơưv no muôx 8 lênhx tsik tuôx uô ntâuz ntơưr tưr, muôx: 1 lênhx shuv xênhz muôx moz đros chêr tsik tas tưr thiaz 7 lênhx shuv xênhz tưz cơưv tiar têx shông cơưv uô ntêx tưx tsik tuôx uô ntâuz ntơưr.

Têx qơư tưr tưz bax cxix cxuô zav lok sâuv chuôz zênhx, nênhs paz lês hâux lưv trơưk đraiv cêr chai; côngz xưv por hưv njias to thax tsav, por hưv tsav yêz tâus cêr nhaz xênhz tưz tâu lês jông, chia paz zôngx ziv trâu têx shuv xênhz côngv jias tưr. Ntơưv têx qơư tưr puôr lênhx muôx têx hluôs nênhs paz lês hâux lưv; kriz uô mor nox trâu têx shuv xênhz njiz ntâu cêr phiv liv thiaz shuv xênhz nhoz đêz.

Đhâu cxênhz ntơưv têx qơư tưr, đồng chí Phó Chủ tịch Thường trực UBPX tỉnh cxiz cov têx qơư tưr lês ntov nti cêr chai lok sâuv kriz jias tưr tas ntơưr THPT; moz siaz cxênhz, fuô kria têx shuv xênhz côngv têx jias tưr cov zos six hơưv; puôr lênhx bax cxix cxuô zav tsưr ziv chia por hưv njias to thax tsav; moz siaz phax tar cuz, tơưs, por hưv tsav yêz tâus cêr nhaz xênhz; bax cxix cxuô điện sir zôngv; kriz lês jông hâux lưv paz têx shuv xênhz hâur ntu tưr ntơưr, paz zôngx ziv yax trâu têx shuv xênhz lês tiar jông jias tưr zov chênhr no.