Đồng chí Phó Bí thư Tỉnh ủy, Chủ tịch Ủy ban MTTQ Việt Nam tỉnh Sơn La cxênhz yuôx côngz xưv bầu cử ntơưv iz cxia xã đriv têz

Đồng chí Cuôv Xênhv Tsaz tưz cxênhz yuôx ntơưv thax qơư tso phiếu số 4, ntơưv tsêr txux chi jok Thống Nhất, xã Chiềng Khương, muôx 1.413 cử tri ntơưv 3 luz jok Thống Nhất, jok Hưng Hà, jok Phụ; cxênhz yuôx thax qơư tso phiếu số 14, thax tsav jok Lè, xã Chiềng Khoong muôx 1.053 cử tri 3 jokLè, jok Lướt, jok Huổi Khoang; thax tsav tso phiếu số 5 muôx 855 cử tri, nhoz hâur tổ dân phố 5, xã Sông Mã.

Txos nhiv no, têx qơư tso phiếu hâur thax tsav 3 xã Chiềng Khương, Chiềng Khoong, Sông Mã tưz lês tiar hur si têx hâux lưv chia paz max trâu cử tri tso phiếu. Côngz xưv por hưv njias to thax tsav tâu lês jông, phax tar hluôr tơưk cuz, tơưs, njuôk kho moz thiaz têx tsưr ziv txơưr cux tâu cxiv tsa, bax cxix cxuô chia côngv hnuz grâuv pax lox ntơưv têz qơưk.

Ntơưv têx qơư muk cxênhz yuôx, đồng chí Cuôv Xênhz Tsaz tưz  kruôk txos kror moz siaz sir jos ntơưv cấp ủy, nov hâu thiaz têx tổ chức đoàn thể têx xã hâur côngz xưv bax bầu cử. Đồng chí cxiz cov cxuô thax tsav tror moz siaz cxênhz đuô hâux lưv bax, yax hlo zos cử tri têx bê, cxênhz đuô chuôz zênhx ntơưv têx qơư tso phiếu; moz siaz fuô kria chia cov cử tri pâuz mênhx zuk vax huôv, sir jos tuôx tso phiếu, bax cxix cxuô zav chia cov hnuz bầu cử yênhx hnuz grâuv pax ntơưv hur si pêx xênhv.

Ntơưv thax qơư tso phiếu số 5 xã Sông Mã zuôr tâu Báo thiaz Xor tôngx chuô, xa đuôz Sơn La cơư đuôz chia kriz cias trâu sơưr đơưk pov njôngr. Ntơưv no, đồng chí Cuôv Xênhv Tsaz tưz cxơưz jos ekip lês hâux lưv, moz siaz hla đhâu têx cêr phiv liv, chia lês tâu jông têx hâux lưv tâu zok chia cov cơư tâu têx đuôz jông txos trâu cxuô lênhx pêx xênhv hâur tỉnh tâu saiz.