Xã Nậm Ty txix li muôz xã Chiềng Phung lok côngv uô cê, xã muôx 17 luz jok, 3.304 ziv, 16.676 lênhx pêx xênhv, muôx 17 chi bộ jok. Hâur 7 luz hli đhâu, nhiax txiax - xã hội huôv tsar truôx njês; tas nro têx têz chos kôngz yênhx shông nto 3.976 ha, têx kôngz chos phênhv ntâu puôr lênhx tsar ntâu đuô xav; sâu nhiax cux ntâu đuô. Txux chi, xã hội tâu paz max, pêx xênhv muôx txâuk nox txâuk sir zôngv; 100% pêx xênhv muôx bảo hiểm y tế. Tsưx hưv truôx cêr nhaz xênhz têz qơưk, cxiz txâuk nênhs lês hâux lưv por hưv cêr nhaz xênhz hâur thax tsav.

Hâux lưv choz kria muôz têx yar cơưv uô cê, 5 luz yar cơưv grik yuôr 3 luz yar cơưv, muôx 143 lớp thiaz 4.266 lênhx shâuv xênhz; cxuô yar cơưv puôr lênhx lês tiar côngz xưv tsa nov chox car, zok tas chuôz tav, bax cxix cxuô tsar zav tok shông cơưv yiaz. Xã tưz njuôk moz đơưz trâu 592 lênhx pêx xênhv, txênhz yax 30% hâux lưv; uô tiar 21.528 njux ar njâur 2, txênhz yax 92%, sơưr tiv 19/75 xã, phường thôngz tỉnh.

Ntơưv jias uô hâux lưv, Đồng chí Cuôv Xênhv Tsaz kruôk têx hâux lưv cấp ủy, nov hâu xã Nậm Ty tưz lês tâu. Đồng chí cux cxiz xã tror fuô lês jông nghị quyết đại hội Đảng cxuô cấp, sir jos lês tiar têx hâux lưv shông 2026; lês jông côngz xưv xair nênhs bax uô nov chox car thiaz saiz car ntov; tsưx hưv truôx cêr nhaz xênhz; paz pêx xênhv sơưr đơưk muôx txâuk nox, txâuk sir zôngv, lês ntov chai paz pêx xênhv, tôn giáo thiaz huôv tsar nhiax txiax thax tsav pêx xênhv hair nênhs tsơưs. Tror lês sai hâux lưv njuôk tsov, uô ntơưr chiav đêx ar thiaz cxiv tsa cơ sở dữ liệu ar; bax cxuô zav cov cxix tok shông cơưv yiaz 2026-2027; lês jông hâux lưv njuôk moz, por hưv đas jos trâu pêx xênhv. Lês jông côngz xưv cxiv tsa Đảng đơưz hur, truôx njês; hlôngr số, sir zôngv “Sổ tay đảng viên điện tử” uô zôngx ziv têx ntâuz ntơưr Đảng cias hâur điện tử.

Ndax no, Tỉnh ủy, HĐPX, UBPX, Ủy ban MTTQ Việt Nam tỉnh tưz krưr 5 poz huv puz trâu têx nênhs pêx xênhv njênhs hâur thax tsav xã Nậm Ty.