Ntơưv têx qơư tưr, paz côngz xưv tưz cxênhz yuôx côngz xưv côngz xưv bax vax tsês, cxuô zav kriz tưr, chok nxiak njias to, nhaz xênhz tsav yêz, điện, đêx thiaz têx zav paz jâus tưr. Jâus tưr tas ntơưr THPT shông 2026, qơư tưr Yar cơưv THPT Chiềng Khương tuôr xav 27 qar tưr, đros 631 tus tuz cơưv chos luk tưr, hâur ntơư muôx 2 tus tuz cơưv tâu jav tsik tưr, xav txơưr. Qơư tưr Yar cơưv THPT Mường Lầm xav 12 qar tsêr tưr; 279 tus tuz cơưv chos luk tưr, hâur ntơư muôx 4 tus tuz cơưv jav tsik tưr, xav txơưr. Thax tsav xã Sông Mã muôx 2 qơư tưr li Yar cơưv THPT Sông Mã thiaz Yar cơưv PTDT Nội trú THCS thiaz THPT Sông Mã, muôx 49 qar tsêr tưr, đros trâu xav hur si 1.084 tus tuz cơưv chos luk tưr, 4 tus tuz cơưv jav tsik tưr.

Txos ntu no, têx yar cơưv tưz uô tiar tas cêr yaz ntơưr, nzir txux chi trâu tuz cơưv lớp 12; kriz tưr trơưk ntơưr kria Sở choz kria ntơưr; cxênhz têx vax tsê, bax cxix cxuô qar tsêr tưr tsênhz mênhx, qar tsêr tưr bax tsês, phax tok, qar tsêr por hưv đề tưr, jax tưr, qơư nox hâuk trâu cán bộ uô hâux lưv saiz tưr.

Cxuô thax tsav, yar cơưv tưz cxiv tsa faz chok nxiak njias to, nhaz xênhz tsav yêz, paz tuz cơưv, yax hlo mak têx tuz cơưv nhoz đêz qơư tưr, tuz cơưv vax tsê txov nhêv; cxênhz yuôx cêr khov qơư nhoz, yêz muk lok, mor nox, đêx hâuk; phax tar têx ntux nas hloz, đêx huôv, tox poz, ntux hiav chia chok nxiak tus tuz cơưv tưs cux tâu tưr ntơưr zos chai.Têx tuz cơưv nhoz đêz, têx yar cơưv tưz zaz zâuv, kria têx tuz cơưv ndo njôngr ntiar tsêr nhoz, lok sik nhoz uô cê jê thax qơư tưr cov zôngx ziv trâu cêr tưr.

Fuô luk ntơưv jâus cxênhz yuôx, đồng chí Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh tưz kruôk txos têx cêr paz max ntơưv cxuô thax tsav, yar  cơưv hâur cêr bax trâu jâus tưr. Đros ntơư, cxiz cov têx thax tsav, têx qơư tưr bax cxix cxuô vax tsê, chok nxiak njias, nhaz xênhz trâu jâus tưr, ndo njôngr phax, tar cuz tơưs; phax tar têx zuôv chai têz qơư hiav txos jâus tưr; lês ntov chai tưr. Tok nrư têx thax tsav bax tsês phax phôngz trâu têx zav muôx nzir; moz siaz paz jông yax trâu tuz cơưv tưr, lar haik mak têx tuz cơưv vax tsê txov nhêv, tox siaz, đêz đrôngs. Têx sở, ngành thiaz thax tsav tsik tsês côngz xưv côngv lês kriz jâus tưr, phaiz cán bộ por hưv qơư tưr, njias to tưx zưv thiaz nhaz xênhz tsav yêz, gruô hu nhiax txiax kriz Jâus tưr tas ntơưr THPT shông 2026 nhaz xênhz, ntov chai, zos chai...

Ndax jâus no, đồng chí Phó Bí thư Tỉnh ủy, Chủ tịch Ủy ban MTTQ Việt Nam tỉnh tưz puz huv têx yar cơưv muôx tuz cơưv chos luk tưr tas ntơưr THPT shông 2026 thax tsav têx xã Chiềng Khương, Mường Lầm thiaz Sông Mã.